അമ്പലപ്പുഴ: ഭാര്യയെയും മകളെയും ആക്രമിക്കാൻ ശ്രമിച്ച ഗൃഹ നാഥനെ തടയാൻ ശ്രമിച്ച പോലീസുകാരനെ വധിക്കാൻ ശ്രമം. ഗൃഹ നാഥനെ പോലീസ് അറസ്റ്റ് ചെയ്തു. പുന്നപ്ര അറവുകാട് ഹരിജൻ കോളനിയിൽ അശോകനാണ് (55) അറസ്റ്റിലായത്.
ഇന്നലെ രാത്രിയാണ് സംഭവം. ഭാര്യ സ്റ്റേഷനിലേക്ക് വിളിച്ചതിനെത്തുടർന്നാണ് എസ്ഐ പീറ്റർ അലക്സാണ്ടർ, സിപിഒ വിനു, ഹോംഗാർഡ് ചാണ്ടി എന്നിവർ അശോകന്റെ വീട്ടിലെത്തിയത്.
ഭാര്യയെ കത്തി ഉപയോഗിച്ച് കുത്താൻ ശ്രമിച്ചപ്പോൾ തടഞ്ഞതിനിടയിലാണ് വിനുവിന്റെ കഴുത്തിൽ കമ്പി ചുറ്റി വധിക്കാൻ ശ്രമിച്ചത്.
ഗൃഹനാഥൻ ഭാര്യയെയും മകളെയും ആക്രമിച്ചു; തടയാൻ ശ്രമിച്ച പോലീസുകാരനെ വധിക്കാൻ ശ്രമം
10:46 PM Sep 28, 2022 | Deepika.com