മൂവാറ്റുപുഴ: മുതിർന്ന ഗ്രന്ഥശാല പ്രവർത്തകനും റിട്ട. പ്രധാനാധ്യാപകനുമായ എം.കെ. ഭാസ്കരൻ രചിച്ച വിധുര വിലാപം എന്ന കഥാ സമാഹരത്തിന്റെ പ്രകാശനം നടത്തി. പണ്ടപ്പിള്ളി നാഷണൽ ലൈബ്രറി ഹാളിൽ റിട്ട. ഹൈസ്ക്കൂൾ പ്രധാനാധ്യാപകൻ പി.സി. ജോണി ലൈബ്രറി പ്രസിഡന്റ് ടോമി വള്ളമറ്റത്തിന് പുസ്തകം നൽകിയാണ് പ്രകാശനം നിർവഹിച്ചത്. താലൂക്ക് ലൈബ്രറി കൗണ്സിൽ സെക്രട്ടറി സി.കെ. ഉണ്ണി അധ്യക്ഷത വഹിച്ചു.
മൂവാറ്റുപുഴ എസ്എൻ ബിഎഡ് കോളജ് മുൻ പ്രിൻസിപ്പൽ എ.പി. രാഘവൻ പുസ്തകം പരിചയപ്പെടുത്തി. സംസ്ഥാന ലൈബ്രറി കൗണ്സിൽ അംഗം ജോസ് കരിന്പന, ലൈബ്രറി ജോയിന്റ് സെക്രട്ടറി സാബു കുര്യാക്കോസ്, റിട്ട. ഹൈസ്കൂൾ അധ്യാപകൻ കെ.ഡി. ജോസഫ്, താലൂക്ക് ലൈബ്രറി കൗണ്സിൽ അംഗം ശ്രീധരൻ ആച്ചക്കോട്ടിൽ, മീങ്കുന്നം കാർമ്മൻ വനിതാവേദി പ്രസിഡന്റ് എൽബി ജിബിൻ, ബാലവേദി പ്രസിഡന്റ് മിൻസാര സജി എന്നിവർ പ്രസംഗിച്ചു. പണ്ടപ്പിള്ളി നാഷണൽ ലൈബ്രറിയുടെ മുൻ പ്രസിഡന്റുകൂടിയാണ് പുസ്തക രചയിതാവ് എം.കെ. ഭാസ്കരൻ, ലൈബ്രറി സെക്രട്ടറി വർഗീസ്, ലൈബ്രറേറിയൻ പി.എൻ. കൃഷ്ണൻ, പഞ്ചായത്ത് സമിതിയംഗം ബാബുപോൾ എന്നിവർ നേതൃത്വം നൽകി.
കഥാ സമാഹരം പ്രകാശനം ചെയ്തു
12:20 AM Sep 28, 2022 | Deepika.com