കോലഞ്ചേരി: കൊച്ചി-ധനുഷ്കോടി ദേശീയ പാതയിലെ വരിക്കോലിയിൽ കുഴിയിൽ വീണ് നിയന്ത്രണംവിട്ടതിനെതുടർന്ന് ബൈക്കുകൾ കൂട്ടിയിടിച്ച് അപകടം. ഗുരുതരമായി പരിക്കേറ്റ ബൈക്ക് യാത്രികരെ കോലഞ്ചേരി മെഡിക്കൽ കോളജിൽ പ്രവേശിപ്പിച്ചു.
തൊടുപുഴ സ്വദേശി വി.ആർ. ഗിരീഷ്, മീമ്പാറ സ്വദേശി എബി പോൾ എന്നിവർക്കാണ് അപകടത്തിൽ പരിക്കേറ്റത്. ഇന്നലെ വൈകിട്ട് അഞ്ചോടെയായിരുന്നു അപകടം. കൊച്ചി-ധനുഷ്കോടി ദേശീയപാതയിലെ അപകടകരമായ കുഴികളിൽ വീണിട്ടുള്ള അപകടങ്ങൾ പതിവായിരിക്കുകയാണ്. നിലവിൽ അപകടമുണ്ടായ വരിക്കോലിയിൽ നാട്ടുകാരും വിവിധ രാഷ്ട്രീയ പാർട്ടികളുടെ നേതൃത്വത്തിലും ഒട്ടനവധി പ്രധിഷേധങ്ങളും ഇതിനോടകം ഈ വിഷയത്തിൽ നടത്തിയതാണ്.
കുഴിയിൽ വീണ് നിയന്ത്രണംവിട്ട ബൈക്കുകൾ കൂട്ടിയിടിച്ചു
11:57 PM Sep 26, 2022 | Deepika.com