തിരുവനന്തപുരം: രാഷ്ട്രപതി ദ്രൗപതി മുർമുവിന് പട്ടം സെന്റ് മേരീസ് ഹയർ സെക്കൻഡറി സ്കൂളിലെ പന്ത്രണ്ടായിരം വിദ്യാർഥികളും നാനൂറ്റിയിരുപതു അധ്യാപകരും ചേർന്ന് "ഓർമിക്കാനൊരു സ്നേഹമുദ്ര' എന്ന പേരിൽ ആശംസാ സന്ദേശം അയച്ച് ചരിത്രത്തിലിടം നേടി.
ദ്രൗപതി മുർമു രാഷ്ട്രപതിയായി തെരഞ്ഞെടുക്കപ്പെട്ടപ്പോൾ സ്കൂളിലെ മുഴുവൻ വിദ്യാർഥികളെയും പങ്കെടുപ്പിച്ചുകൊണ്ട് "ഓർമിക്കാനൊരു സ്നേഹമുദ്ര' എന്ന പേരിൽ അഞ്ഞുറ്റി അൻപത്തിയഞ്ചു പേജുകളിലായി പന്ത്രണ്ടായിരം വിദ്യാർഥികളും നാനുറ്റിയിരുപതു അധ്യാപകരും ഒപ്പിട്ട ബ്രഹത്തായ ആശംസാ ഡോക്യൂമെന്റ് ആണ് അയച്ചത്. ഇതിൽ ഹിന്ദി, ഇംഗ്ലീഷ്, മലയാളം ഭാഷകളിൽ ആശംസ സന്ദേശവും ഉൾപ്പെടുത്തിയാണ് സ്നേഹ മുദ്ര തയാറാക്കിയത്. തപാൽ വകുപ്പ് മുഖേന സ്നേഹ സമ്മാനം രാഷ്ട്രപതി ഭവന് അയച്ചുകൊടുത്തു.
രാഷ്ട്രപതിയ്ക്കുള്ള സന്ദേശ ഡോക്യുമെന്റ് സ്കൂൾ പ്രിൻസിപ്പൽ ഫാ ടി. ബാബു തിരുവനന്തപുരം ജിപിഒ മേധാവി വിഷ്ണു അംബരീഷിന് കൈമാറി. സ്കൂളിന്റെ സാമൂഹ്യ ശാസ്ത്ര വിഭാഗം കൺവീനർ ബിന്നി സാഹിതി, ക്ലബ്ബ് കൺവീനർ ബിജു തോമസ്, മുൻ ഐപിഎസ് ഓഫീസർ രമ്യ രോഷ്നി, പി.ടി. അരുൺ, സാമൂഹ്യശാസ്ത്ര അധ്യാപകരായ സന്തോഷ് പി. മാത്യു, ഗ്രേസ്, ബിന്ദു, ഫിലാറ്റലി ക്ലബ്ബംഗങ്ങാളായ വിദ്യാർഥികൾ തുടങ്ങിയവർ പങ്കെടുത്തു.
രാഷ്ട്രപതിക്ക് "ഓർമിക്കാനൊരു സ്നേഹമുദ്ര' സമ്മാനിച്ച് പട്ടം സെന്റ് മേരിസിലെ പന്ത്രണ്ടായിരം വിദ്യാർഥികൾ
12:10 AM Sep 24, 2022 | Deepika.com