റിയാദ്: ഇന്ത്യയിൽനിന്ന് സൗദിയിലേക്കും തിരിച്ചുമുള്ള വിമാന സർവീസുകൾ സൗദി അറേബ്യ താത്കാലികമായി നിർത്തിവച്ചു. സൗദി വ്യോമയാന അതോറിറ്റിയാണ് ഇതുസംബന്ധിച്ച് നിർദേശം വിമാനക്കമ്പനികൾക്ക് നൽകിയത്. ഇനിയൊരു അറിയിപ്പുണ്ടാകുന്നവരെ സർവീസ് ഉണ്ടാകില്ലെന്നാണ് വ്യോമയാന മന്ത്രാലയം അറിയിച്ചിരിക്കുന്നത്.
ഇന്ത്യയിൽ കോവിഡ് വ്യാപനം രൂക്ഷമായ സാഹചര്യത്തിലാണ് തീരുമാനം. വന്ദേഭാരത് മിഷന് പദ്ധതിപ്രകാരമുള്ള വിമാനങ്ങള്ക്കും വിലക്ക് ബാധകമാണോ എന്ന കാര്യത്തിൽ വ്യക്തതയില്ല.
പുതിയ തീരുമാനം പ്രവാസി മലയാളികള് ഉൾപ്പെടെ ഇന്ത്യക്കാർക്ക് തിരിച്ചടിയായിരിക്കുകയാണ്. ഇന്ത്യയെക്കൂടാതെ ബ്രസീല്, അര്ജന്റീന എന്നീ രാജ്യങ്ങളിലെ വിമാന സർവീസുകൾക്കും വിലക്ക് ബാധകമാണ്.
പ്രവാസികൾക്ക് വീണ്ടും തിരിച്ചടി; സൗദി ഇന്ത്യയിൽനിന്നുള്ള വിമാന സർവീസുകൾ റദ്ദാക്കി
08:07 PM Sep 23, 2020 | Deepika.com