സെപ്റ്റംബർ 19 നു ക്നാനായ കമ്യൂണിറ്റി സെന്‍ററിൽ നടത്തിയ പരിപാടി പ്രസിഡന്‍റ് ജോൺസൻ കണ്ണൂക്കാടൻ ഉദ്ഘാടനം ചെയ്തു.മലബാർ കേറ്ററിംഗിന്‍റെ വിഭവസമൃദ്ധമായ ഓണസദ്യയ്ക്കുശേഷം താലപ്പൊലിയുടെ അകമ്പടിയോടെ മാവേലി മന്നനെ സ്റ്റേജിലേക്ക് ആനയിച്ചു. ജയിംസ് പുത്തൻപുര മാവേലിയായി വേഷമിട്ടു. സെക്രട്ടറി ജോഷി വള്ളിക്കളം പരിപാടികളുടെ എംസി ആയിരുന്നു. ട്രഷറർ ജിതേഷ് ചുങ്കത്ത് നന്ദി പറഞ്ഞു.
അസോസിയേഷൻ ഏറ്റവും മികച്ച വിദ്യാർഥികൾക്ക് നൽകി വരുന്ന വിദ്യാഭ്യാസ പുരസ്കാര അവർഡ് ചടങ്ങിൽ വിതരണം ചെയ്തു. ഒന്നാം സ്ഥാനം സാബു നടുവീട്ടിൽ സ്പോൺസർ ചെയ്ത കാഷ് അവാർഡും ട്രോഫിയും ജസ്റ്റിൻ കുഞ്ചെറിയായും രണ്ടാം സ്ഥാനം ചാക്കോമറ്റത്തിൽപറമ്പിൽ സ്പോൺസർ ചെയ്ത കാഷ് അവാർഡും ട്രോഫിയും പോൾ ഷെന്നിയും മൂന്നാം സ്ഥാനം മനോജ് അച്ചേട്ട് സ്പോൺസർ ചെയ്ത കാഷ് അവാർഡും ട്രോഫിയും അമ്മു രാജേഷ് ബാബുവും സ്വന്തമാക്കി.
വിജയികളെ പ്രസിഡന്‍റ് ജോൺസൻ കണ്ണൂക്കാടൻ അഭിനന്ദിച്ചു. മുൻ പ്രസിഡന്‍റ് സണ്ണി വള്ളിക്കളം, സാബു നടുവീട്ടിൽ എന്നിവർ ആശംസകൾ നേർന്നു സംസാരിച്ചു. അവാർഡ് കമ്മിറ്റി കോർഡിനേറ്റർ ചാക്കോ മറ്റത്തിൽപറമ്പിലായിരുന്നു.
ഓണാഘോഷ പരിപാടികളുടെ വിജയത്തിനായി സാബു കട്ടപ്പുറം, ലീല ജോസഫ്, മേഴ്സി കുര്യാക്കോസ്, മനോജ് അച്ചേട്ട്, ജസി റിൻസി, ഷൈനി ഹരിദാസ്, രഞ്ചൻ എബ്രഹാം, ആൽവിൻ ഷിക്കോർ, ആഗ്നസ് മാത്യു, ലൂക്ക് ചിറയിൽ, ഫിലിപ്പ് പുത്തൻപുരയിൽ, സജി മണ്ണംചേരിൽ, കാൽവിൻ കവലയ്ക്കൽ, സന്തോഷ് കാട്ടൂക്കാരൻ എന്നിവർ നേതൃത്വം നൽകി. ഫോട്ടോഗ്രാഫി മോനു വർഗീസ് കൈകാര്യം ചെയ്തു.