ഷിക്കാഗോ: ബെൽവുഡ് സെൻറ് ഗ്രീഗോറിയോസ് ഓർത്തോഡോക്സ് കത്തീഡ്രൽ ഇടവക വികാരി ഫാ. ഡാനിയേൽ ജോർജ് (68) ഷിക്കാഗോയിൽ നിര്യാതനായി. ഏതാനും മാസങ്ങളായി രോഗാവസ്ഥയിൽ ചികിത്സയിലായിരുന്ന ഡാനിയേൽ ജോർജ് കശീശ കഴിഞ്ഞ ദിവസം സൗത്ത് വെസ്റ്റ് അമേരിക്കൻ ഭദ്രാസനത്തിലെ വൈദീകരുമായി ന്ധസൂംന്ധ മീറ്റിങ്ങിലൂടെ സംസാരിച്ചിരുന്നു. കായംകുളം കാദീശാപള്ളി ഇടവകാഗമായ കല്ലുംമൂട്ടിൽ ഉണ്ണൂണ്ണി ജോർജിന്റെയും പരേതയായ കുഞ്ഞമ്മ ജോർജിന്റെയും മകനാണ് ഡാനിയേൽ ജോർജ് അച്ചൻ.
വെങ്ങാഴിയിൽ ജോർജ് കശീശയുടെ ചെറുമകൾ അനിത ഡാനിയേലാണ് സഹധർമ്മിണി. ഗ്രിഗറി ഡാനിയേൽ, ലീന ഡാനിയേൽ എന്നിവരാണ് മക്കൾ.
സംസ്കാരം ഷിക്കാഗോ ബെൽവുഡ് സെൻറ് ഗ്രീഗോറിയോസ് ഓർത്തോഡോക്സ് ദേവാലയത്തിൽ അഹമ്മദാബാദ് ഭദ്രാസനാധിപൻ പുലിക്കോട്ടിൽ ഡോ. ഗീവർഗീസ് മാർ യൂലിയോസ് മെത്രാപോലീത്തായുടെ പ്രധാന കാർമ്മികത്വത്തിൽ നടക്കും. സംസ്കാര ശുശ്രൂഷയോടനുബന്ധിച്ചുള്ള നാഗരികാണിക്കൽ ശുശ്രൂഷ വ്യാഴാഴ്ച വൈകിട്ട് നാലിന് ഒകലോണ് സെന്റ് മേരീസ് ഓർത്തോഡോക്സ് ദേവാലയത്തിലും, വൈകിട്ട് ആറര മണിക്ക് സെന്റ് തോമസ് ഓർത്തോഡോക്സ് ദേവാലയത്തിലും, വെള്ളിയാഴ്ച വൈകിട്ട് എൽമസ്റ്റ് സെന്റ് ഗ്രീഗോറിയോസ് ഓർത്തോഡോക്സ് ദേവാലയത്തിലും തുടർന്ന് ശനിയാഴ്ച രാവിലെ ഏഴിന് ബെൽവുഡ് സെൻറ് ഗ്രീഗോറിയോസ് ഓർത്തോഡോക്സ് ദേവാലയത്തിൽ വിശുദ്ധ കുർബാനയും, സംസ്കാര ശുശ്രൂഷകളും പൂർത്തീകരിച്ച് ഷിക്കാഗോ ഷെല്ലാ പാർക്കിലുള്ള ഇർവിംഗ് പാർക്ക് ആൻഡ് 25 സ്ട്രീറ്റ് മലങ്കര ഓർത്തോഡോക്സ് സിറിയൻ ചർച്ച് സെമിത്തേരിയിൽ പൂർത്തീകരിക്കും .
ഡാനിയേൽ ജോർജ്ജ് കശീശ്ശായുടെ വേർപാടിൽ സൗത്ത് വെസ്റ്റ് അമേരിക്കൻ ഭദ്രാസന മെത്രാപ്പോലീത്താകൂടിയായ പരിശുദ്ധ കാതോലിക്കാ മോറാൻ മാർ ബസേലിയോസ് മാർത്തോമാ പൗലോസ് ദ്വിതീയൻ ബാവ, ഭദ്രാസന സഹായ മെത്രാപ്പോലീത്താ ഡോ.സഖറിയാസ് മാർ അപ്രേം, ഭദ്രാസന സെക്രട്ടറി ഫാ. ഫിലിപ്പ് എബ്രഹാം, ഭദ്രാസന വൈദീക സംഘത്തിന് വേണ്ടി വൈദീക സെക്രട്ടറി ഫാ.മാത്യൂസ് ജോർജ്, ഓർത്തഡോക്സ് ടിവി ക്കുവേണ്ടി ചെയർമാൻ പുലിക്കോട്ടിൽ ഡോ. ഗീവർഗ്ഗീസ് മാർ യൂലിയോസ് മെത്രാപോലീത്ത, സിഇഒ ഫാ.ജോണ്സണ് പുഞ്ചക്കോണം, ഡീക്കൻ.ജോർജ്ജ് പൂവത്തൂർ എന്നിവർ അനുശോചനം രേഖപ്പെടുത്തി.
കൂടുതൽ വിവരങ്ങൾക്ക്:
ഫാ.എബി ചാക്കോ: 516-655-0117
ജോർജ് വർഗീസ് : 773-341-8437
റിപ്പോർട്ട്: ഫാ. ജോണ്സണ് പുഞ്ചക്കോണം
ഫാ. ഡാനിയേൽ ജോർജ് ഷിക്കാഗോയിൽ നിര്യാതനായി
10:48 PM Jun 30, 2020 | Deepika.com