ലണ്ടൻ: ഇടതുപക്ഷ സാംസ്കാരിക സംഘടനായ സമീക്ഷ യുകെയുടെ പുതിയ ബ്രാഞ്ച് സാലിസ്ബറിയിൽ നിലവിൽ വന്നു. വളർച്ചയുടെ പടവുകൾതാണ്ടി യുകെയിലെ ഏറ്റവും വലിയ ഇടതുപക്ഷ കലാ സാംസ്കാരിക സംഘടനായ സമീക്ഷയുടെ ഇരുപതിനാലാമത്തെ ബ്രാഞ്ചാണ് വില്ൽട്ഷെയർ കൗണ്ടിയിലെ പട്ടണമായ സാലിസ്ബറിയിൽ ശനിയാഴ്ച ഉദ്ഘാടനം ചെയ്യപ്പെട്ടത്.
ലോക്ക്ഡൗണ് വ്യവസ്ഥകൾ പാലിച്ചുകൊണ്ട് സാലിസ്ബറിയിലെ ഇടതുപക്ഷ മനസുള്ള ഒരുകൂട്ടം ചെറുപ്പക്കാർ ഓണ്ലൈൻ മാധ്യമത്തിലൂടെ യോഗം ചേർന്നാണ് ബ്രാഞ്ച് രൂപീകരണം നടത്തിയത് .
രാജേഷ് സുധാകരന്റെ അധ്യക്ഷതയിൽ ചേർന്ന യോഗത്തിൽ സമീക്ഷ ദേശിയ സെക്രട്ടറി ദിനേശ് വെള്ളാപ്പള്ളി ബ്രാഞ്ചിന്റെ പ്രവർത്തനങ്ങളുടെ ഒൗപചാരികമായ ഉദ്ഘാടനം നിർവഹിച്ചു . തുടർന്ന് സമീക്ഷ പ്രസിഡന്റ് സ്വപ്ന പ്രവീണ്, വൈസ് പ്രസിഡന്റ് പ്രസാദ് ഒഴാക്കൽ എന്നിവർ സമീക്ഷയുടെ പ്രസക്തിയെക്കുറിച്ചും സമീക്ഷ പ്രവാസലോകത്തു നടത്തുന്ന പ്രവർത്തനങ്ങളെക്കുറിച്ചും സംസാരിച്ചു.
തുടർന്ന് നടന്ന ചർച്ചയിൽ യോഗത്തിൽ പങ്കെടുത്തവർ സമീക്ഷ ബ്രാഞ്ച് ഏറ്റെടുക്കേണ്ട പ്രവർത്തനങ്ങളെ കുറിച്ച് തങ്ങളുടെ അഭിപ്രായങ്ങൾ അവതരിപ്പിച്ചു. ഭാവി പ്രവർത്തനങ്ങൾ മുന്നോട്ടു കൊണ്ടുപോകുവാനായി ബ്രാഞ്ച് കമ്മിറ്റിയെയും ഭാരവാഹികളെയും യോഗം തെരഞ്ഞെടുത്തു.
ഭാരവാഹികളായി രാജേഷ് സുധാകരൻ(പ്രസിഡന്റ്), ബോബി ജോർജ്(വൈ : പ്രസിഡന്റ്),
ജിജു നായർ(സെക്രട്ടറി), നിധിൻ ചാക്കോ(ജോ. സെക്രട്ടറി), : ശ്യാം മോഹൻ( ട്രഷറർ), കീത്ത് ജോർജ്(പിആർഒ) എന്നിവരെ തെരഞ്ഞെടുത്തു.
സമീക്ഷ യുകെയുടെ ഇരുപത്തിനാലാം ബ്രാഞ്ച് സാലിസ്ബറിയിൽ
09:26 PM Jun 29, 2020 | Deepika.com