കുവൈത്ത് സിറ്റി: കുവൈത്ത് കെഎംസിസി ചാർട്ടേർഡ് വിമാനത്തിൽ യാത്ര ചെയ്യുന്നതിനായി രജിസ്ട്രേഷൻ ചെയ്തവരുടെ എണ്ണം പതിനായിരത്തോളമായതായി കുവൈത്ത് കെ.എംസിസി. സംസ്ഥാന കമ്മിറ്റി അറിയിച്ചു. മുൻകൂർ പണം വാങ്ങുന്നതിന് ആരെയും ചുമതലപ്പെടുത്തിയിട്ടില്ലെന്നും പ്രസിഡന്റ് ഷറഫുദ്ദീൻ കണ്ണേത്തും ജനറൽ സെക്രട്ടറി എം.കെ.അബ്ദുൾ റസാഖ് പേരാന്പ്രയും പ്രസ്താവനയിൽ അറിയിച്ചു.
കെ.എംസിസിയുടെ പേരിൽ പണം അടക്കുന്നതിനായി ആരെങ്കിലും ബന്ധപ്പെട്ടാൽ അവരുടെ പേരും നന്പറും സഹിതം ലിങ്കിൽ കാണുന്ന ഫോണ് നന്പറിൽ വിളിച്ച് അറിയിക്കണമെന്നും പ്രസ്താവനയിൽ പറഞ്ഞു. വിമാനത്തിന്റെ സമയക്രമം പ്രസിദ്ധീകരിക്കാനുള്ള നടപടി ക്രമങ്ങൾ പുരോഗമിക്കുന്നു. അതിനു ശേഷം മാത്രമേ ടിക്കറ്റ് നൽകാനായി ബന്ധപ്പെടുകയുള്ളൂവെന്നും അവർ അറിയിച്ചു.
റിപ്പോർട്ട്: സലിം കോട്ടയിൽ
കുവൈത്ത് കെഎംസിസി ചാർട്ടേർഡ് വിമാനം: രജിസ്ട്രേഷൻ പതിനായിരത്തോളം കടന്നു
12:09 AM Jun 03, 2020 | Deepika.com