സൗദിയിൽ കോവിഡ് മരണം 22; കോവിഡ് ബാധിതർ 87148

റിയാദ്: കോവിഡ് ബാധിച്ചു 22 പേർ കൂടി തിങ്കളാഴ്ച മരിച്ചതോടെ സൗദിയിൽ ആകെ കോവിഡ് ബാധിച്ചു മരിച്ചവരുടെ എണ്ണം 525 ആയി. പുതുതായി രോഗം ബാധിച്ചത് 1881 പേർക്കാണ്. 1863 പേർ തിങ്കളാഴ്ച രോഗമുക്തി നേടി. നിലവിൽ ചികിത്സയിലുള്ളത് 22,312 പേർ മാത്രമാണ്.

ജിദ്ദയിൽ 13 പേരും മക്കയിൽ നാല് പേരും ദമാം തബൂക് എന്നിവിടങ്ങളിൽ രണ്ടു പേർ വീതവും ബുറൈദയിൽ ഒരാളുമാണ് തിങ്കളാഴ്ച മരിച്ചത്. ആകെയുള്ള രോഗബാധിതരിൽ 64,305 പേർ രോഗമുക്തി നേടി. സൗദിയുടെ വിവിധ പ്രദേശങ്ങളിലായി 8,22,769 കോവിഡ് ടെസ്റ്റുകൾ നടന്നു.

റിയാദിൽ 668, ജിദ്ദ 293, ദമ്മാം 290, മക്ക 164, ജുബൈൽ 62, ഹൊഫൂഫ് 39, മുസാഹ്മിയ 27, ഖതീഫ് 22, ഖുലൈസ് 21, അൽഖർജ് 20, മദീന 19, ഹായിൽ 19, തായിഫ് 17, ദഹ്റാൻ 14, അൽകോബാർ 11 എന്നിങ്ങനെയാണ് പുതിയ രോഗികളുടെ പ്രധാന പട്ടണങ്ങളിലെ കണക്ക്.

റിപ്പോർട്ട്: ഷക്കീബ് കൊളക്കാടൻ