ജുബൈൽ: ലോകത്ത് പല ഭാഗത്തായുള്ള മലബാർ അടുക്കളയുടെ ജുബൈൽ വിഭാഗം ലുലുവിൽ പ്രത്യേകം സജ്ജമാക്കിയ വേദിയിൽ നടന്ന പാചക മത്സരം വ്യത്യസ്ത കൊണ്ടും ജനപങ്കാളിത്തം കൊണ്ടും ശ്രദ്ധേയമായി. പരിപാടിയുടെ ഭാഗമായി വിവിധ കലാ പരിപടികളും നടന്നു. ജൂബി ഹബീബ്, സുൽഫത്തു എന്നീ മലബാർ അടുക്കള കോർഡിനേറ്റർമാർ പരിപാടികൾ നിയന്ത്രിച്ചു. സൗചന്യ പരിപാടിയുടെ അവതാരികയായിരിന്നു.
ഗൾഫ് ഏഷ്യ മെഡിക്കൽ സെന്ററിന്റെ സൗജന്യ മെഡിക്കൽ ക്യാന്പും പരിപാടിയിയോടനുബന്ധിച്ചു നടത്തപ്പെട്ടു. കിറീാശലയുടെ സലിം വർക്കല, ഗൾഫ് ഏഷ്യയുടെ നോബി മാത്യു എന്നിവരും പരിപാടിയിൽ സംബന്ധിച്ചു. സ്കൈ ബീറ്റ് ദമ്മാം അവതരിപ്പിച്ച ബാൻഡ് പ്രോഗ്രാമും നടന്നു. ഹാൻസ് ജോസഫ് കീബോർഡും നിരഞ്ജൻ ബീൻസ് ഡ്രംഉം അവതരിച്ചു. 50 മത്സരാർത്ഥികൾ പങ്കെടുത്ത പാചക മത്സരത്തിൽ ഇർഫാൻ മറിയം ഒന്നാം സ്ഥാനം കരസ്ഥമാക്കി. ലോബിയ സറീൻ രണ്ടാം സ്ഥാനവും, ലമീസ സഫ്വാൻ മൂന്നാം സ്ഥാനവും കരസ്ഥമാക്കി. ലോകമെന്പാടുമുള്ള മലബാർ അടുക്കള കമ്മിറ്റികൾ നടത്തുന്ന പാചക മത്സരത്തിന്റെ മെഗാ ഫൈനൽ ദുബായിൽ വച്ചു നടക്കപ്പെടും.
മലബാർ അടുക്കള ജുബൈൽ ചാപ്റ്റർ പാചക മത്സരം സംഘടിപ്പിച്ചു
09:41 PM Dec 12, 2019 | Deepika.com