ട്രൈസ്റ്റേറ്റ് ഏരിയായിൽ നിന്ന് തെരഞ്ഞെടുക്കപ്പെട്ട ആറു പ്രബല ടീമുകളാണ് ഫൈനൽ റൗണ്ടിൽ മാറ്റുരച്ചത്. ഒക്ടോബർ 12ന് പ്രാഥമിക മത്സരങ്ങളും, ഒക്ടോബർ 13ന് ഫൈനൽ റൗണ്ട് മത്സരങ്ങളും നടത്തപ്പെട്ടു. ഫിലഡൽഫിയ സബർബിലെ ബെൻസേലം ടൗണ്ഷിപ്പിലുള്ള നീൽ ആംസ്ട്രോംഗ് സ്റ്റേഡിയത്തിലാണ് മത്സരങ്ങൾ സംഘടിപ്പിച്ചത്. പെൻസിൽവേനിയ സ്റ്റേറ്റ് റെപ്രസന്റ്റ്റേറ്റീവ് ജീൻ ഡിജിറോളമ ഗെയിംമുകളുടെ ഉത്ഘാടനം നിർവഹിച്ചു.
ഒക്ടോബർ 13നു നടന്ന കലാശ പോരാട്ടത്തിൽ യുഇസിസി ഫിലഡൽഫിയ ടീമീനെ പരാജയപ്പെടുത്തി ന്യൂജേഴ്സിയിൽ നിന്നുള്ള പിസിഎൻജെ ടീം ചാന്പ്യ·ാരായി. ഫൈനൽ മത്സരം ദർശിക്കുന്നതിന് ഫിലഡൽഫിയായിലും പരിസര പ്രദേശങ്ങളിൽ നിന്നുമായി നിരവധി ക്രിക്കറ്റ് പ്രേമികൾ എത്തിയിരുന്നു.
ടൂർണമെന്റിന്റെ സമാപനത്തിൽ പന്പ പ്രസിഡന്റ് മോഡി ജേക്കബ് വിജയികളെ അനുമോദിക്കുകയും വിശിഷ്ടാതിഥികളെ സ്വാഗതവും ചെയ്തു. ബെൻസേലം ടൗണ്ഷിപ്പിലെ കൗണ്സിൽ·ാരായ എഡ് കിസ്സിൽബാക്കും, ജോ നോൾസും വിജയികൾക്കുള്ള ട്രോഫിയും കാഷ് അവാർഡും സമ്മാനിച്ചതോടൊപ്പം തങ്ങളുടെ ടൗണ്ഷിപ്പിൽ പ്രഥമമായി അരങ്ങേറിയ ക്രിക്കറ്റ് ടൂർണമെന്റിന്റെ സംഘാടകരെ അഭിനന്ദിക്കുകയും ചെയ്തു. റോണി വറുഗീസും, സുമോദ് നെല്ലിക്കാലയും സമ്മാനദാന
ക്രമീകരണങ്ങൾ ചെയ്തു. ട്രൈസ്റ്റേറ്റ് കേരളാഫോറം ചെയർമാൻ ജോഷി കുര്യാക്കോസ് വിജയികൾക്ക് ആശംസകൾ നേർന്നു. ജോർജ്ജ് ഓലിക്കൽ നന്ദി പ്രകാശനം നടത്തി.
പന്പ പ്രസിഡന്റ് മോഡി ജേക്കബിന്റെയും യുഇസിസി പ്രതിനിധി റ്റിനു ചാരത്തിന്റെയും നേതൃത്വത്തിൽ റോണി വറുഗീസ്, സുമോദ് നെല്ലിക്കാല, ജോർജ്ജ് ഓലിക്കൽ, സുധ കർത്ത, നിമൽ പോൾ, കിരണ് ഒൗസേപ്പച്ചൻ, സോബിൻ മാതന, റോയിസ് മോളേത്ത്, ബേസിൽ ഏലിയാസ്, ജോയൽ വറുഗീസ്, ബോബി ജേക്കബ,് അലക്സ് തോമസ്, റവ: ഫിലിപ്പ് മോഡയിൽ, ഫീലിപ്പോസ് ചെറിയാൻ, ജേക്കബ് കോര, രാജൻ സാമുവൽ, അറ്റോർണി ബാബു വറുഗീസ് എന്നിവർ ടൂർണമെന്റിന്റെ വിജയത്തിനായി പ്രവർത്തിച്ചു.
റിപ്പോർട്ട്: ജോർജ് ഓലിക്കൽ