അബുദാബി: തിരുവനന്തപുരം ജില്ലാ പ്രവാസി സംഘടനയായ അനന്തപുരം നോണ് റസിഡന്റ്സ് അസോസിയേഷൻ (അനോര) വർണാഭമായ പരിപാടികളോടെ ഓണം ആഘോഷിച്ചു.
ഘോഷയാത്രയോടുകൂടിയാണ് ആഘോഷപരിപാടികൾക്ക് തുടക്കമായത്. ഇന്ത്യൻ എംബസ്സി സൂമൂഹിക വിഭാഗം ഫസ്റ്റ് സെക്രട്ടറി പൂജ വേർണെക്കർ പരിപാടി ഉദ്ഘാടനം ചെയ്തു. അബുദാബി ഇന്ത്യാ സോഷ്യൽ ആൻഡ് കൾച്ചറൽ സെന്റർ പ്രധാന അങ്കണത്തിലാണ് ആഘോഷ പരിപാടികൾ സംഘടിപ്പിച്ചത്.
ആദം ആൻഡ് ഈവ് മെഡിക്കൽ സെന്റർ ഉടമ വിജയകുമാരൻ നായർ, അമൽ വിജയകുമാർ, ഇന്ത്യാ സോഷ്യൽ സെന്റർ പ്രസിഡന്റ് ഡി.നടരാജൻ, മലയാളീ സമാജം പ്രസിഡന്റ് ഷിബു വർഗീസ്, ജെമിനി ബിൽഡിംഗ് മെറ്റിരിയൽസ് എം.ഡി ഗണേഷ് ബാബു, മെട്രോ കോണ്ട്രാക്ടിംഗ് എം.ഡി ജോണ് സാമുവൽ, യുഎഇ എക്സ്ചേഞ്ച് പ്രതിനിധി മൊയ്നുദ്ധീൻ, അഹല്യ ഗ്രൂപ് പ്രതിനിധി സൂരജ് പ്രഭാകർ, അൽ നാസർ ജനറൽ ട്രേഡിങ് പ്രതിനിധി രാജൻ അന്പലത്തറ തുടങ്ങി കലാ സാംസ്കാരിക വ്യവസായ രംഗങ്ങളിലെ പ്രമുഖർ ഓണാഘോഷ പരിപാടിയിൽ പങ്കെടുത്തു.
അനോര പ്രസിഡന്റ് വിജയരാഘവൻ, ജനറൽ സെക്രട്ടറി രാജേഷ് നായർ,ട്രഷറർ നസ്രുദീൻ, ചീഫ് കോർഡിനേറ്റർ നൗഷാദ്, ഓണം ജനറൽ കണ്വീനർ ബഷീർ തുടങ്ങിയവർ ഓണാഘോഷ പരിപാടികൾക്ക് നേതൃത്വം നൽകി. പ്രമുഖ പിന്നണി ഗായകൻ വിധു പ്രതാപ്, ഹംദ നൗഷാദ് എന്നിവരുടെ ഗാനമേള,തിരുവാതിരക്കളി,വിവിധ കേരളീയ നൃത്തങ്ങൾ തുടങ്ങിയ കലാവിരുന്നുകൾ ഓണാഘോഷ ഭാഗമായി അരങ്ങേറി.
റിപ്പോർട്ട്: അനിൽ സി. ഇടിക്കുള
അനന്തപുരം നോണ് റസിഡന്റ്സ് അസോസിയേഷന്റെ ഓണാഘോഷം വർണാഭമായി
11:16 PM Oct 15, 2019 | Deepika.com