ബൈബിൾ നിത്യേന വായിക്കുന്നതിനും, പഠിക്കുന്നതിനും, അതിലെ ആശയങ്ങൾ അനുദിനജീവിതത്തിൽ പ്രാവർത്തികമാക്കുന്നതിനുമുള്ള പ്രചോദനം മതബോധനസ്കൂൾ കുട്ടികൾക്ക് നൽകുക എന്ന ലക്ഷ്യത്തോടെ നടത്തപ്പെട്ട ബൈബിൾജപ്പടി മൽസരം ചോദ്യങ്ങളുടെ ഉന്നതനിലവാരം കൊണ്ടും, നൂതനസാങ്കേതികവിദ്യകളുടെ ഉപയോഗംകൊണ്ടും, സദസ്യരുടെ സഹകരണംകൊണ്ടും ശ്രദ്ധേയമായി .
ഫിലഡൽഫിയയിൽ സെപ്റ്റംബർ 14 ശനിയാഴ്ച ഇൻഡ്യൻ അമേരിക്കൻ കാത്തലിക് അസോസിയേഷന്റെ നാൽപത്തിയൊന്നാം വാർഷികവും, ഇൻഡ്യൻ കാത്തലിക് ഹെറിറ്റേജ് ദിനവും സംയുക്തമായി ആഘോഷിച്ചതിനോടനുബന്ധിച്ചായിരുന്നു ബൈബിൾ ജപ്പടി മൽസരം നടത്തപ്പെട്ടത്. സെന്‍റ് തോമസ് സീറോ മലബാർ കത്തോലിക്കാ ദേവാലയത്തിൽ വൈകുന്നേരം നടന്ന മൽസരം സീറോ മലങ്കര സഭയുടെ വടക്കേ അമേരിക്ക-കാനഡ എന്നിവയുടെ ചുമതല വഹിക്കുന്ന ബിഷപ് അഭി. ഫീലിപ്പോസ് മാർ സ്റ്റെഫാനോസ് ഭദ്രദീപം തെളിച്ച് ഉദ്ഘാടനം ചെയ്തു. ഫാ. വിനോദ് മഠത്തിപ്പറന്പിൽ, ഫാ. റെന്നി കട്ടേൽ, റവ. സജി മുക്കൂട്ട്, റവ. മൈക്കിൾ എടത്തിൽ, റവ. ജോണ്സണ് ചരിവുകാലായിൽ, റവ. ജോണ് ബാപ്റ്റിസ്റ്റ്, റവ. തോമസ് മലയിൽ എന്നീ വൈദികരും, കന്യാസ്ത്രീമാരായ റവ. ജർത്രൂദ് ബോറിസ്, റവ. ജോസ്ലിൻ എടത്തിൽ, റവ. സിറ്റാ, റവ. ഫിലോ മോറിസ് എന്നിവരും, ഐഎസിഎ. പ്രസിഡന്‍റ് ചാർലി ചിറയത്ത്, ജനറൽ സെക്രട്ടറി മെർലിൻ അഗസ്റ്റിൻ, ട്രഷറർ അനീഷ് ജയിംസ്, യൂത്ത് വൈസ് പ്രസിഡന്‍റ് തെരേസ സൈമണ്‍, ജോയിന്റ് ട്രഷറർ ജോസഫ് സക്കറിയാ, സണ്ണി പാറക്കൽ, അലക്സ് ജോണ്, ഫിലിപ് എടത്തിൽ, തോമസ് നെടുമാക്കൽ, സേവ്യർ മൂഴിക്കാട്ട് എന്നിവരും സന്നിഹിതരായിരുന്നു.
സീറോമലബാർ, സീറോമലങ്കര, ക്നാനായ, ലത്തീൻ കത്തോലിക്കാ പള്ളികളുടെ പ്രതിനിധികളായി രണ്ടുæകുട്ടികൾ വീതമുള്ള നാലു ടീമുകൾ മൽസരത്തിൽ പങ്കെടുത്തു. ടിവി മോഡലിൽ ലൈവ് ആയി നടത്തപ്പെട്ട ബൈബിൾ ജപ്പടി മൽസരങ്ങൾ കാണികളിൽ വലിയ ആവേശം ഉണർത്തി. വ്യത്യസ്തരീതിയിലുള്ള അഞ്ചുറൗണ്ട് ചോദ്യങ്ങൾ æകുട്ടികളുടെ നാനാവിധ കഴിവുകൾ പരിശോധിക്കുന്നതിനുവേണ്ടി രൂപകൽപ്പന ചെയ്യപ്പെട്ടവരായായിരുന്നു.
റാപ്പിഡ് ഫയർ, ഫിഫ്റ്റി-ഫിഫ്റ്റി, പിക്ച്ചർ ഐഡന്‍റിഫിക്കേഷൻ, വീഡിയോ, ജപ്പടി എന്നിങ്ങനെ അഞ്ചുറൗണ്ട് ചോദ്യവിഭാഗങ്ങൾ ഉൾപ്പെട്ട മൽസരത്തിൽ മതാധ്യാപികയായ ഡോ. ബിന്ദു മതിക്കളം റാപ്പിഡ് ഫയർ റൗണ്ട് നയിച്ചു. ഫിഫ്റ്റി-ഫിഫ്റ്റി, പിക്ച്ചർ ഐഡന്‍റിഫിക്കേഷൻ റൗണ്ടുകൾ യഥാക്രമം ജോസ് തോമസ്, ലീനാ ജോസഫ് എന്നീ മതാധ്യാപകർ ഉന്നത സങ്കേതികവിദ്യകളുടെ സഹായത്തോടെ കൈകാര്യം ചെയ്തു.