ജാതി-മത-ഭേദമെന്യേ, അമേരിക്കയിലെ വിവിധ സംസ്ഥാനങ്ങളിൽ നിന്ന് വന്നു ചേർന്ന ഫോമാ നേതാക്കൾ, സുഹൃത്തുക്കൾ, ബന്ധുക്കൾ എന്നിവർ ചേർന്ന്് റജി ചെറിയാന് അന്ത്യയാത്ര ചൊല്ലുന്ന ആ നിമിഷം ഏവരുടെയും കണ്ണുകൾ ഈറനണിയിക്കുന്നതായിരുന്നു. ഫോമാ പ്രസിഡന്‍റ് ഫിലിപ്പ് ചാമത്തിൽ, സന്തപ്ത കുടുംബത്തിന്‍റെ ദുഃഖത്തിൽ പങ്കുചേർന്നുകൊണ്ട് നേരിട്ട് അനുശോചനം അറിയിച്ചു.
ഫോമായുടെ നേതൃത്വത്തിൽ, അനിയൻ ജോർജിന്റെ അധ്യക്ഷതയിൽ, അന്തരിച്ച റജി ചെറിയാനോടുള്ള ആദര സൂചകമായി ആരംഭിച്ച വാട്ട്സ് ആപ് കൂട്ടായ്മയിൽ അണമുറിയാതെത്തിയ അനുശോചനപ്രവാഹകങ്ങൾ ആരെയും അന്പരപ്പിക്കുന്നതായിരുന്നു. അദ്ദേഹത്തിന്‍റെ സംസ്കാര ചടങ്ങുകൾക്ക് നേരിട്ടെത്തി ആദരാഞ്ജലികൾ അർപ്പിച്ചവാരാണധികവും. റജി ചെറിയാൻ പ്രസിഡന്‍റായിരുന്ന ന്ധ’അമ്മന്ധ യുടെയും, ഫോമാ സൗത്ത് ഈസ്റ്റ് റീജിയന്‍റെയും നേതൃത്വത്തിൽ, ബാധ്യതയുള്ള അദ്ദേഹത്തിന്‍റെ ദു:ഖാർത്തരായ കുടംബത്തെ സഹായിക്കുവാൻ ഒരു ഫണ്ട് ശേഖരണം ഇതിനോടകം ആരഭിച്ചിട്ടുണ്ട്. നമ്മളാൽ കഴിയുന്ന ചെറിയ സഹായങ്ങൾ, ആ കുടുംബത്തിന് വലിയ സഹായമേകിയേക്കും. https://www.facebook.com/donate/2654196564600182/10157270848715708/
റിപ്പോർട്ട്: പന്തളം ബിജു തോമസ്