അബുദാബി: കനത്ത ചൂട് പരിഗണിച്ച് ഉപഭോക്താക്കളുടെ സൗകര്യാർത്ഥം അഡ്നോക് പെട്രോൾ സ്റ്റേഷനുകളിൽ പ്രീമിയം സേവനം രണ്ട് മാസത്തേക്ക് സൗജന്യമാക്കുന്നു.
ജൂലൈ, ഓഗസ്റ്റ്് മാസങ്ങളിൽ രാവിലെ 11 മുതൽ 5 വരെയാണ് സൗജന്യ സേവനം ലഭ്യമാകുക. മുൻപ് പെട്രോൾ സ്റ്റേഷനുകളിൽ 10 ദിർഹം അധികം നൽകുന്പോൾ മാത്രമാണ് പ്രീമിയം സേവനം ലഭിച്ചിരുന്നത്. അല്ലാത്തപക്ഷം ഉപഭോക്താക്കൾതന്നെ വാഹനങ്ങളിൽ പെട്രോൾ നിറക്കണമായിരുന്നു .
അഡ്നോക്ക് ഏർപ്പെടുത്തിയിരിക്കുന്ന ന്ധഅഡ്നോക് വാലറ്റ് ന്ധ എന്ന ഓണ്ലൈൻ പേയ്മെന്റ് സൗകര്യം ഉപയോഗിക്കുന്നവർക്കാകും രണ്ടുമാസത്തെ സൗജന്യ സേവനം ലഭിക്കുക . മറ്റുള്ളവർക്ക് ജൂലൈ മാസത്തിൽ മാത്രമേ സൗജന്യം അനുവദിക്കൂ . കനത്ത ചൂടുള്ള ദിനങ്ങളിൽ സ്വയം പെട്രോൾ നിറക്കുന്നതിൽ ബുദ്ധിമുട്ട് അനുഭവിക്കുന്നതായി ഉപഭോക്താക്കൾ പരാതി അറിയിച്ചതിനെ തുടർന്നാണ് " ഹലോ സമ്മർ 'എന്ന പുതിയ സേവനവുമായി അഡ്നോക് രംഗത്ത് എത്തിയത്.
റിപ്പോർട്ട്: അനിൽ സി. ഇടിക്കുള
അഡ്നോക് പെട്രോൾ സ്റ്റേഷനുകളിൽ പ്രീമിയം സേവനം രണ്ട് മാസത്തേക്ക് സൗജന്യമാക്കുന്നു
11:03 PM Jul 08, 2019 | Deepika.com