അഹമ്മദി : ജീവകാരുണ്യ പ്രവർത്തനങ്ങൾക്ക് എന്നും മുൻതൂക്കം നൽകുന്ന അഹമ്മദി സെന്റ് തോമസ് ഇൻഡ്യൻ ഓർത്തഡോക്സ് പഴയ പള്ളിയിലെ ഈ വർഷത്തെ ഹാർവെസ്റ്റ് ഫെസ്റ്റിവലായ ന്ധസന്തോം ഫെസ്റ്റ് 2019ന്ധ ന്റെ കൂപ്പണ് പ്രകാശനം അഹമ്മദി സെന്റ് പോൾസ് പള്ളിയിൽ വി. കുർബാനാനന്തരം നടന്ന ചടങ്ങിൽ ഇടവക വികാരി റവ. ഫാ. അനിൽ കെ. വർഗീസും മുൻ വികാരി റവ. ഫാ. എബ്രഹാം പാറന്പുഴയും ചേർന്ന് നിർവഹിച്ചു.
സാന്തോം ഫെസ്റ്റ് ജനറൽ കണ്വീർ നൈനാൻ ചെറിയാൻ, ജോയിന്റ് കണ്വീനർ വർഗീസ് എബ്രാഹം, കൂപ്പണ് കണ്വീനർ ഷിജു സൈമണ്, ഇടവക ട്രസ്റ്റി പോൾ വർഗീസ്, സെക്രട്ടറി ബോബൻ ജോർജ് ജോണ്, മാനേജിംഗ് കമ്മറ്റി അംഗം റോയി എം. ജോയി തുടങ്ങിയവർ സംബന്ധിച്ചു. കുവൈത്തിലെ പുരാതന ക്രൈസ്തവ ദേവാലയമായ പഴയപള്ളിയുടെ നേതൃത്വത്തിൽ 2019 ഒക്ടോബർ 25 സബാഹിയയിൽ വച്ചു നടത്തുന്ന സാന്തോം ഫെസ്റ്റ് നാനാജാതി മതത്തിൽ ഉൾപ്പെടുന്ന മലയാളി സമൂഹത്തിന് സൗഹൃദത്തിന്റെ ഒത്തുചേരലും മതസൗഹാർദ്ദത്തിന്റെ ആഘോഷവും കൂടിയാണ്.
റിപ്പോർട്ട്: സലിം കോട്ടയിൽ
ഹാർവെസ്റ്റ് ഫെസ്റ്റിവലായ "സന്തോം ഫെസ്റ്റ് 2019'ന്റെ കൂപ്പണ് പ്രകാശനം നിർവഹിച്ചു
10:23 PM May 13, 2019 | Deepika.com