കുവൈത്ത് സിറ്റി: ഐസിഎഫ് മദ്റസാ അധ്യാപകരുടെ കൂട്ടായ്മയായ സുന്നി ജംഇയ്യതുൽ മുഅല്ലിമീൻ വാർഷിക ജനറൽ ബോഡി യോഗം സമാപിച്ചു. അഹ്മദ് സഖാഫി കാവനൂർ അധ്യക്ഷം വഹിച്ചു. ഐസിഎഫ് നാഷണൽ സെക്രട്ടറി ശുകൂർ മൗലവി കൈപുറം ഉദ്ഘാടനം ചെയ്തു.
2019-20 വർഷത്തേക്കുള്ള ഭാരവാഹികളായി അഹ്മദ് സഖാഫി കാവനൂർ (പ്രസിഡന്റ്), സമീർ മുസ്ലിയാർ കാഞ്ഞിരപ്പുഴ (ജനറൽ സെക്രട്ടറി), അലവി സഖാഫി തെഞ്ചേരി (ഫിനാൻസ് സെക്രട്ടറി), മമ്മു മുസ്ലിയാർ, റഷീദ് അൽഹസനി (വൈസ് പ്രസിഡന്റുമാർ) മുഹമ്മദ് ഫള്ഫരി, മുഹമ്മദലി സഖാഫി പട്ടാന്പി (സെക്രട്ടറിമാർ), മുഹമ്മദ് ബാദുഷ മുട്ടനൂർ (പരീക്ഷാബോർഡ് ചെയർമാൻ) എന്നിവരെ തെരഞ്ഞെടുത്തു.
ഐസിഎഫ് നാഷണൽ നേതാക്കളായ അബ്ദുൽ ഹകീം ദാരിമി, അഹ്മദ് കെ. മാണിയൂർ, അഡ്വ. തൻവീർ ഉമർ, അലവി ഹാജി, അബൂ മുഹമ്മദ് എന്നിവർ സംബന്ധിച്ചു. 2018-19 വർഷത്തെ പബ്ലിക് എക്സാമുകളിൽ ഉന്നതവിജയം നേടിയ വിദ്യാർഥികളെ യോഗം അഭിനന്ദിച്ചു. ഡൽഹി ആസ്ഥാനമായി പ്രവർത്തിക്കുന്ന ഇസ്ലാമിക് എജ്യുക്കേഷനൽ ബോർഡിന്റെ അംഗീകാരത്തോടെ കുവൈത്ത് ഐസിഎഫ് കമ്മറ്റിക്കു കീഴിൽ അബാസിയ, സാൽമിയ, ഫഹാഹീൽ, ജഹ്റ എന്നിവിടങ്ങളിൽ ഇരുപത് വർഷത്തോളമായി പ്രവർത്തിച്ചുവരുന്ന മദ്റസകളിലെ അധ്യാപക സംഘടനയാണ് സുന്നി ജംഇയ്യതുൽ മുഅല്ലിമീൻ കുവൈത്ത് കമ്മറ്റി.
റിപ്പോർട്ട്: സലിം കോട്ടയിൽ
ഭാരവാഹികളെ തെരഞ്ഞെടുത്തു
10:42 PM Apr 22, 2019 | Deepika.com