വാഷിംഗ്ടൺ: ഇന്ത്യൻ വംശജനായ യുവാവ് ഭാര്യയെ വെടിവെച്ചു കൊലപ്പെടുത്തിയ ശേഷം ജീവനൊടുക്കി. അമേരിക്കയിലെ ടെക്സസിലാണ് സംഭവം. ശ്രീനിവാസ് നകിർകാന്തി (51), ഇയാളുടെ ഭാര്യ ശാന്തി നകിർകാന്തി എന്നിവരെയാണ് ടെക്സസിലെ വീട്ടിൽ മരിച്ച നിലയിൽ കണ്ടെത്തിയത്.
ശാന്തിയെ വീടിനുള്ളിലെ ഇടനാഴിയിലും ശ്രീനിവാസിനെ കിടപ്പുമുറിയിലുമാണ് മരിച്ച നിലയിൽ കണ്ടെത്തിയത്. ശ്രീനിവാസിന്റെ കൈയിൽ തോക്കുണ്ടായിരുന്നുവെന്ന് പോലീസ് വ്യക്തമാക്കി.
ഭാര്യയെ വെടിവെച്ച് കൊലപ്പെടുത്തിയ ശേഷം ശ്രീനിവാസ് വെടിയുതിർത്ത് ജീവനൊടുക്കുകയായിരുന്നുവെന്നാണ് പോലീസിന്റെ പ്രാഥമിക നിഗമനം. സംഭവസമയത്ത് ഇവരുടെ 16 വയസുള്ള മകൾ വീട്ടിലുണ്ടായിരുന്നുവെന്നും കുട്ടി ഉറക്കത്തിലായിരുന്നുവെന്നും പോലീസ് പറഞ്ഞു.
ഇതേക്കുറിച്ചുള്ള കൂടുതൽ അന്വേഷണം നടന്നുവരികയാണെന്ന് പോലീസ് വൃത്തങ്ങൾ വ്യക്തമാക്കി.
യുഎസിൽ ഇന്ത്യൻ വംശജൻ ഭാര്യയെ കൊലപ്പെടുത്തിയ ശേഷം ജീവനൊടുക്കി
07:49 PM Feb 19, 2019 | Deepika.com