ഫിലാഡല്ഫിയ, ഫിലാഡല്ഫിയായിലെ പ്രമുഖ സാമൂഹ്യ സാംസ്കാരിക സംഘടനയായ മലയാളി അസോസിയേഷന് ഓഫ് ഗ്രെയ്റ്റര് ഫിലാഡെല്ഫിയായുടെ (മാപ്പ്) 2019 ലെ പ്രവര്ത്തനോദ്ഘാടനവും പുതുവത്സര ആഘോഷവും ജനുവരി 19 നു ശനിയാഴ്ച വൈകിട്ട് അഞ്ചിനു മാപ്പ് ഇന്ത്യന് കമ്യൂണിറ്റി സെന്ററില്വച്ച് (7733 Castor Ave , Philadelphia , PA 19152) വിപുലമായ പരിപാടികളോടുകൂടി നടത്തപ്പെടും .
പ്രശസ്ത ഭാഷാ പണ്ഡിതനും, വാഗ്മിയും, എഴുത്തുകാരനുമായ പ്രൊഫസ്സര്. ഡോക്ടര് . ശശിധരന് Phd .Mphil ,MA പുതുവത്സര സന്ദേശം നല്കും. തുടര്ന്ന്, ശ്രീദേവി അജിത്കുമാര് , ജെയ്സണ് ഫിലിപ്പ് , കെസിയാ വര്ഗീസ്, ശില്പ്പാ റോയി, റേച്ചല് ആനി ഉമ്മന് എന്നിവര് അവതരിപ്പിക്കുന്ന വിവിധ കലാപരിപാടികള് അരങ്ങേറും . വിഭവസമൃദ്ധമായ ഡിന്നറോടുകൂടി പരിപാടികള് അവസാനിക്കും. രാജു ശങ്കരത്തില് (മാപ്പ് പിആര്ഒ) അറിയിച്ചതാണിത്.
റിപ്പോര്ട്ട്: ജോയിച്ചന് പുതുക്കുളം
മാപ്പിന്റെ പ്രവര്ത്തനോദ്ഘാടനവും പുതുവത്സര ആഘോഷവും ജനുവരി 19 ന്
12:59 PM Jan 19, 2019 | Deepika.com