കുവൈത്ത്: കോഴിക്കോട് ജില്ലാ അസോസിയേഷൻ മഹിളാവേദിയുടെ ആഭിമുഖ്യത്തിൽ ജനുവരി 25 വെള്ളിയാഴ്ച, ഫർവാനിയ മെട്രോ മെഡിക്കൽ കെയറിൽ സൗജന്യ മെഡിക്കൽ ക്യാന്പ് നടത്തുന്നു. മെട്രോ മെഡിക്കൽ കെയറിന്റെ സഹകരണത്തോടുകൂടി നടത്തുന്ന മെഡിക്കൽ ക്യാന്പിൽ ജനറൽ മെഡിസിൻ, ത്വക്ക്, ഇഎൻടി, ഗൈനക്കോളജി, ഇൻനേർണൽ മെഡിസിൻ, പീടിയാട്രിക്സ്, നേത്ര പരിശോധന, ഓർത്തോപീഡിക്സ് തുടങ്ങിയ മേഖലകളിൽ പരിചയ സന്പന്നരും പ്രമുഖരുമായ ഡോക്ടർമാരുടെ സേവനം ലഭ്യമാണ്.
രാവിലെ 8 മുതൽ ഉച്ചയ്ക്ക് 1 വരെ ഉള്ള ക്യാന്പിൽ അസോസിയേഷൻ മെന്പർമാർക്കും മറ്റു വ്യക്തികൾക്കും പരിശോധനക്ക് എത്താവുന്നതാണ്. മഹിളാവേദി എല്ലാ വർഷങ്ങളിലും നടത്തി വരുന്ന ഈ സൗജന്യ മെഡിക്കൽ ക്യാന്പ് മികച്ച സേവനവും, ജനപങ്കാളിത്തവും കൊണ്ടും ശ്രദ്ധേയമായിട്ടുള്ളതാണ്.
പങ്കെടുക്കാൻ താൽപര്യമുള്ളവർ 55768727, 66488898, 66982237, 69026602, 55839915 എന്നീ നന്പറുകളിൽ വിളിച്ചോ ഈ ലിങ്ക് (//bit.ly/kdamed) വഴിയോ ജനുവരി 20 ന് മുൻപ് പേര് രജിസ്റ്റർ ചെയ്യേണ്ടതാണ്.
റിപ്പോർട്ട്: സലിം കോട്ടയിൽ
സൗജന്യ മെഡിക്കൽ ക്യാന്പ്
11:38 PM Jan 16, 2019 | Deepika.com