ഡാളസ്: ദശവർഷം ആഘോഷിക്കുന്ന ഫോമായുടെ പബ്ലിക് റിലേഷൻ ഓഫീസറായി പന്തളം ബിജു തോമസിനെ എതിരില്ലാതെ അടുത്ത രണ്ടു വർഷത്തേക്ക് തെരഞ്ഞെടുത്തു. ഒക്ടോബർ 18നു കൂടിയ നാഷണൽ കമ്മറ്റിയിൽ വന്ന നാമനിർദേശം എതിരില്ലാതെ അംഗീകരിച്ചു.
അമേരിക്കൻ മലയാളികൾക്ക് വളരെ സുപരിചിതനായ ഇദ്ദേഹം നല്ല ഒരു സംഘാടകനും റിപ്പോർട്ടറും കൂടിയാണ്. ഇനിയുള്ള രണ്ടുവർഷക്കാലം ഫോമായുടെ എല്ലാവിധ ഒൗദ്യോഗിക കാര്യങ്ങളും അമേരിക്കൻ മലയാളികളെ യഥാസമയം അറിയിക്കുക എന്നുള്ള ഭാരിച്ച ചുമതല പിആർഒയുടെ ഉത്തരവാദിത്തമാണ്.
കേരള അസോസിയേഷൻ ഓഫ് ലാസ് വേഗസിന്റെ പ്രസിഡന്റ് കൂടിയായ പന്തളം ബിജു, ഫോമായുടെ വിവിധ പദവികൾ ഇതിനോടകം വഹിച്ചിട്ടുണ്ട്. ഫോമയുടെ ലാസ് വെഗാസ് കണ്വൻഷൻ കണ്വീനർ, വെസ്റ്റേണ് റീജണ് വൈസ് പ്രസിഡന്റ്, നാഷണൽ കമ്മറ്റിയംഗം, ബൈലോ കമ്മറ്റി ചെയർമാൻ, പൊളിറ്റിക്കൽ ഫോറം ചെയർമാൻ, പ്രോപർട്ടി പ്രോട്ടക്ഷൻ കൗണ്സിൽ സെക്രട്ടറി എന്നീ പദവികളിലാണ് ബിജു പ്രവർത്തിച്ചിട്ടുള്ളത്.
റിപ്പോർട്ട്: ജോസ് ഏബ്രഹാം
ഫോമാ പബ്ലിക് റിലേഷൻ ഓഫീസറായി ബിജു തോമസിനെ തെരഞ്ഞെടുത്തു
09:59 PM Oct 19, 2018 | Deepika.com