സാന്ഫ്രാന്സിസ്കോ: കേരളത്തിലെ ഇപ്പോഴത്തെ ദുരിത സാഹചര്യം കണക്കിലെടുത്ത് സാന് ഫ്രാന്സിസ്കോ മില്പിറ്റസ് സെന്റ് തോമസ് സീറോ മലബാര് ചര്ച്ച് മുന്പേ നിശ്ചയിച്ചിരുന്ന ഓണം ആര്ഭാടരഹിതമായ കാരുണ്യ സംഗമമാക്കി . ഇക്കഴിഞ്ഞ പത്തൊന്പതാം തിയതി പള്ളിയില് വെച്ച് ലളിത മായ ഉച്ച ഭക്ഷണവും പ്രളയ ദുരിതാശ്വാസ നിധി യിലേക്കുള്ള ഫണ്ട് സമാഹരണവും നടന്നു .
സാജു ജോസഫ് ന്റെ നേതൃത്വത്തില് നടന്ന കൂട്ടു ലേലത്തില് നിന്നു മാത്രം ഇരുപത്തി അയ്യായിരം ഡോളര് ശേഖരിച്ചു . ചുരുങ്ങിയ വസ്തുക്കള് മാത്രമാണ് ലേലത്തിനുണ്ടായത് . പക്ഷേ മുഴുവന് അംഗങ്ങളെയും തന്റെ സ്വതസിദ്ധ മായ ലഘു നര്മ്മ സംഭാഷണ ങ്ങളാല് പ്രോത്സാഹിപ്പിച്ച് സാജു ലേലം വന് വിജയ മാക്കി.
ഉദാര മനസ്കരായ ചര്ച്ച് അംഗങ്ങളുടെ മറ്റു സംഭാവനകള് കൂടി ഉള്പ്പെടുത്തുമ്പോള് ഏകദേശം അറുപതിനായിരം ഡോളര് സമാഹരിക്കാന് ഇടവകക്ക് സാധിച്ചു . ഈ തുക കേരളത്തിലെ പ്രളയ ദുരിത മനുഭവിക്കുന്നവര്ക്കുള്ള സംഭാവന യായി നല്കുവാന് ചിക്കാഗോ സീറോ മലബാര് രൂപതക്കു കൈമാറുമെന്ന് ഇടവക വികാരിയായ ഫാദര് ജോര്ജ്ജ് എട്ടുപരയില് അറിയിച്ചു .
ഈ സ്നേഹ സംരംഭ ത്തിന് കൈക്കാരന്മാരായ ബിജു അഗസ്റ്റിന്, പോള്സണ് പുത്തൂര് , ജോണ് പോള് വര്ക്കി എന്നിവരും കണ്വീനര് മാരായ ടോം ചാര്ളി ജോജോ ആലപ്പാട് എന്നിവരും ആണ് നേതൃത്വം കൊടുത്തത് . ഈ കാരുണ്യ സംഗമം വിജയമാക്കിയ ഇടവകാംഗങ്ങള്ക്ക് വികാരിയും സംഘാടകരും നന്ദി പറഞ്ഞു. ബിന്ദു ടിജി അറിയിച്ചതാണിത്.
റിപ്പോര്ട്ട്: ജോയിച്ചന് പുതുക്കുളം
ഓണം ആര്ഭാടരഹിതമാക്കി സാന്ഫ്രാന്സിസ്കോ സെന്റ് തോമസ് ചര്ച്ച് സമാഹരിച്ചത് 60,000 ഡോളര്
12:32 PM Aug 22, 2018 | Deepika.com