ന്യൂജേഴ്സി: കേരളത്തിലെ പ്രളയ ദുരിതാശ്വാസ പ്രവർത്തനങ്ങൾക്ക് കൈത്താങ്ങാകുവാനായി കേരള കൾച്ചറൽ ഫോറം (കെസിഎഫ്) അടുത്ത ആഴ്ച്ച നടത്താനിരുന്ന ഓണാഘോഷപരിപാടികൾ റദ്ദാക്കി. ഓണാഘോഷങ്ങൾക്കായി സ്വരുക്കൂട്ടിയ മുഴുവൻ തുക ഉൾപ്പെടെ 10 ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യാനും ഇന്നലെ ചേർന്ന കെസിഎഫ് നേതൃയോഗം തീരുമാനിച്ചതായി പ്രസിഡന്റ് കോശി കുരുവിള സെക്രട്ടറി ഫ്രാൻസിസ് കാരക്കാട്ട്, രക്ഷാധികാരി ടി.എസ്. ചാക്കോ എന്നിവർ അറിയിച്ചു.
കേരളത്തിലെ ജനങ്ങൾ പ്രളയ ദുരിതത്തിൽ കഴിയുന്ന അവസരത്തിലാണ് ഓണാഘോഷം ഒഴിവാക്കുന്നതിന്റെ ആവശ്യകത മനസിലാക്കി സഹായം ചെയ്യാൻ തീരുമാനിച്ചതെന്ന് ഭാരവാഹികൾ പറഞ്ഞു. മുൻകൂ ട്ടി തീരുമാനിച്ച ഓണാഘോഷം റദ്ദാക്കിയതിൽ ഖേദിക്കുന്നതായും അംഗങ്ങളും അഭ്യുദയകാംക്ഷികളും ഇതിന്റെ അന്തഃസത്ത ഉൾക്കൊള്ളുമെന്നു കരുതുന്നതായും പ്രസിഡന്റ് കോശി കുരുവിള, സെക്രട്ടറി ഫ്രാൻസിസ് ഫ്രാൻസിസ് കാരക്കാട്ട് എന്നിവർ പറഞ്ഞു. കേരളത്തിലെ കഷ്ടത അനുഭവിക്കുന്നവർക്കായി ന്യൂജേഴ്സിയിലെ നല്ലവരായ എല്ലാ മലയാളികളും കെസിഎഫിലേക്കു ഉദാരമായി സംഭാവന ചെയ്യണമെന്ന് ടി.എസ്. ചാക്കോ അറിയിച്ചു.
കെസിഎഫ് സമാഹരിച്ച 10 ലക്ഷം രൂപയുടെ ചെക്ക് ഉടൻ തന്നെ മുഖ്യമന്ത്രിയുടെ ദുരിതശ്വാസ നിധിയിലേക്ക് നൽകുന്നതായിരിക്കും. കൂടുതലായി ലഭിക്കുന്ന തുക മുഴുവനും പിന്നീട് നൽകുന്നതാണെന്നും ഭാരവാഹികൾ അറിയിച്ചു.
കൂടുതൽ വിവരങ്ങൾക്ക് ബന്ധപ്പെടുക:
കോശി കുരുവിള 2014501757, ടി.എസ്. ചാക്കോ 2012625979 ഫ്രാൻസിസ് കാരക്കാട്ട്, 9739318503, ചിന്നമ്മ പാലാട്ടി 201 8364910, ആന്റണി കുര്യൻ, 201836 6537,ഏബ്രഹാം സണ്ണി 2016759857. ദേവസി പാലാട്ടി:201 9219109
റിപ്പോർട്ട്: ഫ്രാൻസിസ് തടത്തിൽ
കെസിഎഫ് ഓണാഘോഷം റദ്ദാക്കി; മുഖ്യമന്ത്രിയുടെ ദുരിതാശ്വാസ നിധിയിലേക്ക് 10 ലക്ഷം രൂപ നൽകും
09:08 PM Aug 19, 2018 | Deepika.com