പ​ശു​വി​നെ​യും കി​ടാ​വി​നെ​യും ക​ട​ത്തി​ക്കൊ​ണ്ടു പോ​യി ; അ​ഴി​യൂ​രി​ൽ മോ​ഷ​ണം തു​ട​ർ​ക്ക​ഥ

വ​ട​ക​ര: അ​ഴി​യൂ​രി​ൽ തു​ട​രു​ന്ന മോ​ഷ​ണ​ത്തി​ന് അ​റു​തി​യി​ല്ല. വീ​ടു​ക​ളി​ലും ക​ട​ക​ളി​ലും ക​വ​ർ​ച്ച ന​ട​ക്കു​ന്ന​തി​നു പു​റ​മെ വാ​ഹ​ന​ങ്ങ​ളും പ​ശു​വി​നെ​യും കി​ടാ​വി​നെ​യു​മൊ​ക്കെ മോ​ഷ്ടി​ക്കു​ക​യാ​ണ്.

ഇ​ന്ന​ലെ രാ​ത്രി വീ​ടി​നു മു​ന്നി​ൽ നി​ർ​ത്തി​യി​ട്ട ഗു​ഡ്സ് ഓ​ട്ടോ​യി​ൽ അ​തേ വീ​ട്ടി​ലെ നാ​ലു വ​യ​സു​ള്ള പ​ശു​വി​നെ​യും കി​ടാ​വി​നെ​യും ക​ട​ത്തി​ക്കൊ​ണ്ടു​പോ​യി. അ​ഴി​യൂ​ർ അ​ഞ്ചാം​പീ​ടി​ക ജു​മാ മ​സ്ജി​ദി​നു സ​മീ​പ​ത്തെ കു​യ്യാ​ലി​ൽ പ​വി​ത്ര​ന്‍റെ പ​ശു​വും കി​ടാ​വു​മാ​ണ് മോ​ഷ​ണം പോ​യ​ത്. പ​വി​ത്ര​ന്‍റെ വീ​ടി​ന് മു​ന്നി​ൽ നി​ർ​ത്തി​യ ത​യ്യി​ൽ രാ​ഘ​വ​ന്‍റെ ഉ​ട​മ​സ്ഥ​ത​യി​ലു​ള്ള കെഎ​ൽ 18എ​ഫ് 8274 എ​യ്സ് ഗു​ഡ്സ്ഓ​ട്ടോ​യി​ലാ​ണ് ഇ​വ​യെ ക​ട​ത്തി​ക്കൊ​ണ്ടു​പോ​യ​ത്.

മോ​ഷ്ടാ​ക്ക​ൾ ഉ​പേ​ക്ഷി​ച്ച​തെ​ന്ന് ക​രു​തു​ന്ന പാ​സ​ഞ്ച​ർ ഓ​ട്ടോ​റി​ക്ഷ വീ​ടി​ന് സ​മീ​പ​ത്ത് ക​ണ്ടെ​ത്തി​യി​ട്ടു​ണ്ട്. ത​ല​ശേ​രി സ്വ​ദേ​ശി​യു​ടേ​താ​ണ് ​വാ​ഹ​നം. മോ​ഷ​ണ ദൃ​ശ്യ​ങ്ങ​ൾ സ​മീ​പ​ത്തെ സി​സി​ടി​വി​യി​ൽ പ​തി​ഞ്ഞി​ട്ടു​ണ്ട്. ക​ഴി​ഞ്ഞ ദി​വ​സം അ​ഴി​യൂ​ർ ചു​ങ്ക​ത്ത് ടി​എ​ൻ സ്റ്റോ​ർ​സ് എ​ന്ന സ്ഥാ​പ​ന​ത്തി​ൽ മോ​ഷ​ണം ന​ട​ന്നി​രു​ന്നു. ക​ഴി​ഞ്ഞാ​ഴ്ച ഒ​രു വീ​ട്ടി​ൽ ന​ട​ന്ന മോ​ഷ്ടാ​ക്ക​ളെ​ക്കു​റി​ച്ച് സൂ​ച​ന ല​ഭി​ച്ചെ​ങ്കി​ലും പോ​ലീ​സ് ഒ​രു ന​ട​പ​ടി​യും സ്വീ​ക​രി​ച്ചി​ല്ലെ​ന്ന് പ​രാ​തി​യു​ണ്ട്. ര​ണ്ട് മാ​സ​ത്തി​നി​ടെ പ​ന്ത്ര​ണ്ടോ​ളം സ്ഥ​ല​ങ്ങ​ളി​ലാ​ണ് അ​ഴി​യൂ​രി​ൽ മോ​ഷ​ണം ന​ട​ന്ന​ത്.

സ്റ്റേ​ഷ​ൻ ജീ​പ്പ്, ഫ്ലയിം​ഗ് സ്ക്വാ​ഡ്, ഹൈ​വേ പോ​ലീ​സ് തു​ട​ങ്ങി മൂ​ന്നി​ല​ധി​കം വാ​ഹ​ന​ങ്ങ​ൾ നൈ​റ്റ് വാ​ച്ച് ന​ട​ത്തു​ന്നു​ണ്ടെ​ങ്കി​ലും ത​സ്ക​ര സം​ഘ​ത്തെ പി​ടി​ക്കാ​ൻ സാ​ധി​ക്കു​ന്നി​ല്ല.