കോഴിക്കോട്: പിആർടിസി ട്രോഫി സംസ്ഥാന ടെന്നീസ് വോളിബോൾചാമ്പ്യൻഷിപ്പ് സമാപിച്ചു. കോഴിക്കോട് ഇന്റോർ സ്റ്റേഡിയത്തിൽ രണ്ട് ദിവസമായി നടന്ന ടെന്നീസ് വോളിബോൾസീനിയർ ആൺകുട്ടികളുടെ വിഭാഗത്തിൽ പാലക്കാട് ജില്ലാ വിന്നേഴ്സായി. കോഴിക്കോടാണ് റണ്ണേഴ്സ്.
വയനാട് ജില്ല മൂന്നാം സ്ഥാനവും നേടി. സീനിയർ പെൺകുട്ടികളുടെ വിഭാഗത്തിൽ പാലക്കാട് ജില്ല ചാമ്പ്യൻസും വയനാട് ജില്ല റണേഴ്സുമായി. കോഴിക്കോട് ജില്ലക്കാണ് മൂന്നാം സ്ഥാനം. സമാപന ചടങ്ങിൽ ടെന്നീസ് വോളിബോൾ അസോസിയേഷൻ ചെയർമാൻ ബാലൻ അമ്പാടി ട്രോഫികൾ വിതരണം ചെയ്തു. ജില്ലാ വൈസ് പ്രസിഡന്റ് വി.എം. ആഷിഖ് അധ്യക്ഷം വഹിച്ചു. നൂർ മുഹമ്മദ് പി.കെ കബീർ സലാല ഡോ. ചന്ദ്രകാന്ത് (മലബാർ നേത്രാലയ), കരീം പുതുപ്പാടി, എൻ. പത്മനാഭൻ, കെ.രാമദാസ്, സൂര്യ ഗഫൂർ എന്നിവർ പ്രസംഗിച്ചു.
പിആർടിസി ട്രോഫി സംസ്ഥാന ടെന്നീസ് വോളിബോൾചാമ്പ്യൻഷിപ്പ്; പാലക്കാട് ജേതാക്കൾ
12:29 AM Nov 01, 2018 | Deepika.com