തിരുവമ്പാടി: ജനുവരിയില് വിപുലമായ പരിപാടികളോടെ മലബാർ മഹോത്സവം നടത്തും.
കുന്നമംഗലം, കൊടുവള്ളി ബ്ലോക്ക് പഞ്ചായത്തുകളുടെ കീഴിൽ വരുന്ന 17 ഗ്രാമ പഞ്ചായത്തുകളുടെയും മുക്കം, കൊടുവള്ളി മുനിസിപ്പാലിറ്റികളുടെയുടെയും സഹകരണത്തോടെ അഗസ്ത്യൻമുഴി സ്റ്റേഡിയത്തിലാണ് മലബാർ മഹോത്സവം എന്ന പേരിൽ കാർഷിക- വ്യാവസായിക - വിനോദ-വിജ്ഞാന- കലാ-സാംസ്കാരിക മേള സംഘടിപ്പിക്കുന്നത്.
ജില്ലാ പഞ്ചായത്ത് പ്രസിഡന്റ് ബാബു പറശേരിയുടെ അധ്യക്ഷതയിൽ ചേർന്ന ഗ്രാമപഞ്ചായത്ത് പ്രസിഡന്റുമാരുടെയും ബ്ലോക്ക് പഞ്ചായത്ത് പ്രസിഡന്റു മാർ ,ജില്ലാ പഞ്ചായത്ത് അംഗങ്ങൾ,കുടുംബശ്രീ, സിഡിഎസ് ഭാരവാഹികൾ, കൃഷി വകുപ്പ് ഉദ്യോഗസ്ഥർ എന്നിവരുടെ യോഗമാണ് തീരുമാനമെടുത്തത്.
ഗ്രാമ പഞ്ചായത്ത് പ്രസിഡന്റ് പി ടി. അഗസ്റ്റിൻ, സി.കെ. കാസിം, ബോസ് ജേക്കബ്, പി അപ്പുക്കുട്ടൻ, ഗ്രേസി നെല്ലിക്കുന്നേൽ, വി.എ.നസീർ, കെ.കവിത, അജു എമ്മാനുവൽ, അന്നമ്മ മാത്യു തുടങ്ങിയവർ പ്രസംഗിച്ചു.
മലബാർ മഹോത്സവം ജനുവരിയിൽ മുക്കത്ത്
01:35 AM Oct 31, 2018 | Deepika.com