കോഴിക്കോട്: കേന്ദ്രസര്ക്കാരിന്റെ ജല്ജീവന് മിഷന് പദ്ധതിയില് സംസ്ഥാനത്ത് വലിയ അഴിമതി നടക്കുന്നുവെന്നു ബിജെപി സംസ്ഥാന അധ്യക്ഷന് കെ.സുരേന്ദ്രന്.
കോഴിക്കോട് ജില്ലയിലെ ഉള്ളിയേരി, മൂടാടി, ചാത്തമംഗലം പഞ്ചായത്തുകളിലും സമീപ പ്രദേശങ്ങളിലും കുടിവെള്ളം എത്തിക്കുന്ന പദ്ധതിയിലാണ് 120 കോടിയുടെ അഴിമതി നടന്നതെന്ന് അദ്ദേഹം വാര്ത്താസമ്മേളനത്തില് ആരോപിച്ചു.
ജല ശുചീകരണ ശാലകളുടെ പേരിലാണ് വലിയ അഴിമതി നടക്കുന്നത്. ജലവിഭവ മന്ത്രിയും പൊതുമരാമത്ത് മന്ത്രിയും മുഖ്യമന്ത്രിയുടെ ഓഫീസുമാണ് അഴിമതിയുടെ പിന്നിലെന്ന് സുരേന്ദ്രൻ ആരോപിച്ചു.
കേന്ദ്ര പദ്ധതിയിലാണ് അഴിമതി നടക്കുന്നതെന്നത് ഗൗരവതരമാണ്. ജല്ജീവന് മിഷനു വേണ്ടി കഴിഞ്ഞ വര്ഷം 900 കോടി രൂപയാണ് കേന്ദ്രം കേരളത്തിന് അനുവദിച്ചതെന്നും സുരേന്ദ്രൻ കൂട്ടിച്ചേർത്തു.
ജല്ജീവന് മിഷന്: 120 കോടിയുടെ അഴിമതിയെന്ന് കെ. സുരേന്ദ്രന്
12:53 AM Mar 30, 2023 | Deepika.com