തിരുവനന്തപുരം: വഖഫ് ബോർഡിന്റെ സാമൂഹിക ക്ഷേമ പദ്ധതികളിലെ കുടിശിക കൊടുത്തുതീർക്കാൻ ആറുകോടി രൂപ അനുവദിക്കണമെന്ന് ധനവകുപ്പിനോട് ആവശ്യപ്പെട്ടതായി മന്ത്രി വി. അബ്ദുറഹ്മാൻ നിയമസഭയിൽ പറഞ്ഞു. എന്നാൽ, ധനവകുപ്പ് പണം അനുവദിച്ചിട്ടില്ല. പണം നൽകുന്ന മുറയ്ക്കു കഴിയുന്നത്ര വേഗത്തിൽ അപേക്ഷകൾ തീർപ്പാക്കും.
2022-23ൽ 1.32 കോടിയുടെ സഹായം അനുവദിച്ചിട്ടുണ്ട്. അതേസമയം, മൗലാനാ ആസാദ് നാഷണൽ സ്കോളർഷിപ്പ് അടക്കമുള്ള ന്യൂനപക്ഷ സ്കോളർഷിപ്പുകൾ കേന്ദ്രബജറ്റിൽ റദ്ദാക്കുകയാണ് കേന്ദ്രസർക്കാർ ചെയ്തതെന്നും പി. ഉബൈദുള്ളയുടെ സബ്മിഷന് മന്ത്രി മറുപടി നൽകി.
വഖഫ് ബോർഡിന് ആറുകോടി രൂപ അനുവദിക്കണമെന്ന് ധനവകുപ്പിനോട് മന്ത്രി
12:17 AM Feb 09, 2023 | Deepika.com