തൃശൂർ: പത്തുനാൾ നീളുന്ന അന്താരാഷ്ട്ര നാടകപൂരം ‘ഇറ്റ്ഫോക്ക് 2023’ന് മുഖ്യമന്ത്രി പിണറായി വിജയൻ ഞായറാഴ്ച തിരിതെളിക്കും. 13-ാമതു നാടകോത്സവത്തിനുള്ള അവസാനവട്ട ഒരുക്കങ്ങൾ നടക്കുന്നതായി കേരള സംഗീത നാടക അക്കാദമി സെക്രട്ടറി കരിവെള്ളൂർ മുരളി പത്രസമ്മേളനത്തിൽ പറഞ്ഞു.
ഓൺലൈൻവഴി ബുക്ക് ചെയ്തവർക്കുള്ള ടിക്കറ്റുകൾ അഞ്ചിന് രാവിലെ പത്തു മുതൽ അക്കാദമിയിലെ ടിക്കറ്റ് കൗണ്ടറിൽനിന്നു നേരിട്ടു വാങ്ങാം. ഉച്ചയ്ക്ക് 1.30 മുതൽ 2.45 വരെ അതതു ദിവസത്തേക്കുള്ള ടിക്കറ്റുകൾ ലഭിക്കും. രണ്ടു മുതലാണ് 101 വാദ്യകലാകാരന്മാർ പങ്കെടുക്കുന്ന മേളം ആരംഭിക്കുക. മൂന്നിന് ദേശീയ നാടകങ്ങൾക്ക് ആരംഭം കുറിച്ച് കെ.ടി. മുഹമ്മദ് തിയറ്ററിൽ അതുൽകുമാർ സംവിധാനം ചെയ്ത ടേക്കിംഗ് സൈഡ്സ് അരങ്ങേറും. 3.30ന് തോപ്പിൽ ഭാസി ബ്ലാക്ക് ബോക്സ് തിയറ്ററിൽ മലയാള നാടകങ്ങൾക്കു തുടക്കമിട്ട് കെ.എസ്. പ്രതാപൻ സംവിധാനം ചെയ്ത നിലവിളികൾ മർമരങ്ങൾ ആക്രോശങ്ങൾ നടക്കും. രാത്രി ഏഴിന് മുകളി തിയറ്ററിൽ അന്താരാഷ്ട്ര നാടകങ്ങൾക്കു തുടക്കമിട്ട് സൗത്ത് ആഫ്രിക്കയിൽനിന്നുള്ള ബ്രെറ്റ് ബെയ്ലി സംവിധാനം ചെയ്ത സാംസൺ അരങ്ങേറും.
വൈകുന്നേരം 5.30ന് പവലിയൻ തിയറ്ററിൽ ഇറ്റ്ഫോക് നാടകോത്സവത്തിന്റെയും മുരളി തിയറ്ററിന്റെയും ഉദ്ഘാടനം മുഖ്യമന്ത്രി പിണറായി വിജയൻ നിർവഹിക്കും.
നാടകപൂരം അഞ്ചുമുതല്; മുഖ്യമന്ത്രി ഉദ്ഘാടനം ചെയ്യും
04:47 AM Feb 03, 2023 | Deepika.com