പൊൻകുന്നം: മാന്തറ പള്ളിക്ക് സമീപം നിയന്ത്രണം വിട്ട ഓട്ടോറിക്ഷ മതിലിൽ ഇടിച്ചുമറിഞ്ഞ് യുവാവിന് ദാരുണാന്ത്യം. പൊൻകുന്നം മഞ്ഞാവ് തൊമ്മിത്താഴെ പി.ടി. രതീഷ് (39)ആണ് മരണമടഞ്ഞത്. ഇന്നലെ ഉച്ചയ്ക്ക് ഒന്നോടെ ചിറ്റാട്ട് ഷാപ്പുപടിക്ക് സമീപമായിരുന്നു അപകടം.
രതീഷ് മറിഞ്ഞ ഓട്ടോയ്ക്കടിയിൽ പെടുകയായിരുന്നു. ഉടൻതന്നെ നാട്ടുകാർ അപകടത്തിൽപ്പെട്ടവരെ ആശുപത്രിയിലെത്തിച്ചെങ്കിലും രതീഷ് മരണമടഞ്ഞു. പെയിന്റിംഗ് തൊഴിലാളിയാണ് രതീഷ്. മൃതദേഹം കാഞ്ഞിരപ്പള്ളി ജനറൽ ആശുപത്രി മോർച്ചറിയിൽ. പി.ടി. തങ്കപ്പന്റെയും രാജമ്മയുടെയും മകനാണ് രതീഷ്. ഭാര്യ: ആശ. മക്കൾ: അഭിനവ്, അഭിഷേക്, അമയ (മൂവരും പൊൻകുന്നം എസ്ഡിയുപി സ്കൂൾ വിദ്യാർഥികൾ).
നിയന്ത്രണംവിട്ട ഓട്ടോറിക്ഷ മറിഞ്ഞ് യുവാവിന് ദാരുണാന്ത്യം
02:46 AM Jan 30, 2023 | Deepika.com