കോട്ടയം: പാപ്പുവാ ന്യൂഗിനിയായിലെ മെൻഡി രൂപതയിൽ ഫ്രാൻസിസ്‌കൻ ക്ലാരിസ്റ്റ് കോൺഗ്രിഗേഷൻ (എഫ് സി സി) ചങ്ങനാശേരി ദേവമാതാ പ്രൊവിൻസ് ജൂബിലി ശോഭയിൽ.
ജൂബിലി നിറവിൽ നിൽക്കുന്ന സഭ സമൂഹത്തിലേക്കു കടന്നുവന്ന പാപ്പുവ ന്യൂഗിനി സ്വദേശിനികളായ സിസ്റ്റര്‍ റേച്ചല്‍, സിസ്റ്റര്‍ മാര്‍ത്താ, സിസ്റ്റര്‍ എമിലി, സിസ്റ്റര്‍ സെറാ എന്നിവര്‍ സഭാവസ്ത്രം സ്വീകരിച്ചു വ്രതവാഗ്ദാനം നടത്തി.
മെൻഡി രൂപത ബിഷപ് ഡൊണാൾഡ് ലിംബര്‍ട്ട് കാർമികത്വം വഹിച്ചു. മെൻഡി രൂപതയിൽ സേവനം അനുഷ്ഠിക്കുന്ന തദ്ദേശീയരായ വൈദികരും കേരളത്തിൽ നിന്നുള്ള കപ്പൂച്ചിന്‍, സിഎസ്ടി, എച്ച്ജിഎന്‍ സന്യാസവൈദികരും സഹകാര്‍മ്മികരായിരുന്നു.
എഫ്‌സിസി സൂപ്പീരിയര്‍ ജനറല്‍ സിസ്റ്റര്‍ ലിറ്റി, ചങ്ങനാശേരി ദേവമാതാ പ്രെവിന്‍ഷ്യാള്‍ സിസ്റ്റര്‍ ലിസ് മേരി, സിസ്റ്റർ ജിയോ മരിയ, സിസ്റ്റർ റാണിറ്റാ, സിസ്റ്റർ സിസിലി, സഭാ വസ്ത്രം സ്വീകരിച്ച സിസ്റ്റേഴ്‌സിന്‍റെ കുടുംബാംഗങ്ങൾ മുതലായവർ പങ്കെടുത്തു.
പാപ്പുവാ ന്യൂഗിനിയിലെ എഫ്‌സിസി മിഷൻ രജത ജൂബിലി ശോഭയിൽ
12:46 AM Dec 10, 2022 | Deepika.com