തിരുവനന്തപുരം: വർഗീയ ഫാസിസ്റ്റ് ഭരണത്തിൽനിന്നു രാജ്യം മാറ്റത്തിന് ആഗ്രഹിക്കുന്നുവെന്ന ഫലസൂചികയാണു ഹിമാചൽ പ്രദേശിലെ കോണ്ഗ്രസിന്റെ വിജയമെന്ന് കെപിസിസി പ്രസിഡന്റ് കെ.സുധാകരൻ എംപി.
ദേശീയതലത്തിൽ ബിജെപിയെ നേരിടാൻ കോണ്ഗ്രസിനു ശേഷിയില്ലെന്ന വിമർശകരുടെ വായടപ്പിക്കാൻ കഴിയുന്ന വിജയമാണ് ഹിമാചൽ പ്രദേശിലേത്. കോണ്ഗ്രസ് ഉയർത്തിയ കർഷക പ്രതിസന്ധി, വിലക്കയറ്റം, തൊഴിലില്ലായ്മ ഉൾപ്പെടെയുള്ള ജനകീയ വിഷയങ്ങൾ ഇവിടെ ചർച്ചയായതും കോണ്ഗ്രസിന്റെ വിജയത്തിന് കാരണമായി.ബിജെപിയുടെ ആശീർവാദത്തോടെ ആം ആദ്മി പാർട്ടിയും അസദുദ്ദീൻ ഉവൈസിയുടെ എഐഎംഐഎമ്മും കോണ്ഗ്രസ് വോട്ട് ബാങ്കിൽ വിള്ളലുണ്ടാക്കിയതാണ് ഗുജറാത്തിലെ തിരിച്ചടിക്ക് കാരണമായി വിലയിരുത്തുന്നത്.
ഹിമാചലിലെ വിജയം വിമർശകരുടെ വായടപ്പിക്കുന്നത്: കെ. സുധാകരൻ
12:24 AM Dec 09, 2022 | Deepika.com