തിരുവനന്തപുരം: തീരദേശ ഹൈവേയുടെ ഭാഗമായി വരുന്ന അഴീക്കോട്-മുനന്പം പാലം നിർമാണത്തിനു കഴിഞ്ഞ വർഷം ടെൻഡർ നടപടി ആരംഭിച്ചതായി മന്ത്രി പി.എ. മുഹമ്മദ് റിയാസ് പറഞ്ഞു.
ആ ടെൻഡറിൽ പ്രവൃത്തിക്ക് ഒരാൾ മാത്രമായിരുന്നു ക്വോട്ട് ചെയ്തത്. ക്വോട്ട് ചെയ്ത തുക എസ്റ്റിമേറ്റ് തുകയേക്കാൾ 24 ശതമാനത്തിൽ അധികമായിരുന്നു. ഈ സാഹചര്യത്തിൽ ധനവകുപ്പിന്റെ നിർദേശം കൂടി പരിഗണിച്ച് റീടെൻഡർ നടപടികളിലേക്ക് കടന്നു. റീടെൻഡറിലും ക്വോട്ട് ചെയ്ത തുക 10 ശതമാനത്തിലധികമായതിനാൽ വീണ്ടും ധനവകുപ്പിന്റെ പരിഗണനയ്ക്ക് അയച്ചിരിക്കുകയാണ്. ധന വകുപ്പിന്റെ അഭിപ്രായംകൂടി പരിഗണിച്ച് തുടർനടപടി സ്വീകരിക്കുമെന്നും ഇ.ടി. ടൈസന്റെ സബ്മിഷന് മന്ത്രി മറുപടി നൽകി.
അഴീക്കോട്-മുനന്പം പാലം: ടെൻഡർ നടപടി ആരംഭിച്ചതായി മന്ത്രി
11:53 PM Dec 06, 2022 | Deepika.com