പാലാ: കെഎസ്ആർടിസി ബസിടിച്ചു സൈക്കിൾ യാത്രികൻ മരിച്ചു. ചേർപ്പുങ്കൽ തെക്കുംമുറി കുളത്തനാൽ കെ.സി. ബാബു(60)വാണ് മരിച്ചത്. ചേർപ്പുങ്കൽ ഇന്ത്യാർ ഫാക്ടറിക്ക് സമീപം വ്യാഴാഴ്ച ഉച്ചക്ക് പന്ത്രണ്ടോടെയായിരുന്നു സംഭവം.
അണ്ടൂർ കവലക്ക് സമീപമുള്ള റേഷൻ കടയിൽ നിന്നും റേഷൻ സാധനങ്ങൾ വാങ്ങി സൈക്കിളിൽ വീട്ടിലേക്ക് മടങ്ങുന്പോൾ ഇൻഡ്യാർ ഫാക്ടറിക്ക് സമീപത്തുവച്ച് സൈക്കിളിനെ മറികടന്നപ്പോൾ കെഎസ്ആർടിസി ബസിന്‍റെ പിൻഭാഗം തട്ടുകയായിരുന്നു. സാരമായി പരിക്കേറ്റ ബാബുവുനെ ഉടൻ തന്നെ അരുണാപുരത്തെ സ്വകാര്യ ആശുപത്രിയിലും പിന്നീട് തെള്ളകത്തെ ആശുപത്രിയിലും എത്തിച്ചെങ്കിലും രാത്രിയോടെ മരിക്കുകയായിരുന്നു. സംസ്കാരം നടത്തി. ഭാര്യ: അംബിക കപ്പാട് കൊടയ്ക്കനാൽ കുടുംബാംഗം. മക്കൾ: രാജി, അപർണ്ണ, മനു. മരുമക്കൾ: അനീഷ് കറ്റുവീട്ടിൽ മൂലേടം, സുജിത്ത് സുജിത്ത്ഭവൻ ചേർത്തല.
കെഎസ്ആർടിസി ബസിടിച്ചു സൈക്കിൾ യാത്രികൻ മരിച്ചു
12:36 AM Dec 03, 2022 | Deepika.com