തിരുവനന്തപുരം: കേരള ഗവണ്മെന്റ് പ്രൈമറി സ്കൂൾ ഹെഡ്മാസ്റ്റേഴ്സ് അസോസിയേഷന്റെ ആഭിമുഖ്യത്തിൽ നാളെ സെക്രട്ടേറിയറ്റിനു മുന്നിൽ നിരാഹാര സത്യഗ്രഹം നടത്തും.
രാവിലെ 10.30ന് കെ. മുരളീധരൻ എംപി ഉദ്ഘാടനം നിർവഹിക്കും. അഡ്മിനിസ്ട്രേറ്റീവ് ട്രൈബ്യൂണലിൽ കേസ് നടക്കുന്നതിനാൽ 2021-നുശേഷം നിയമിതരായ ഹെഡ്മാസ്റ്റർമാരുടെ ശന്പള സ്കെയിൽ തടഞ്ഞുവച്ചിരിക്കുകയാണ്.
കഴിഞ്ഞവർഷം വിരമിച്ചവർക്ക് ഉൾപ്പെടെ അർഹമായ ശന്പള സ്കെയിൽ അനുവദിക്കുക, ഉച്ചഭക്ഷണ വിഹിതം വർധിപ്പിക്കുക, ഉച്ചഭക്ഷണ പദ്ധതി മറ്റ് ഏജൻസികളെ ഏല്പിക്കുക തുടങ്ങിയ ആവശ്യങ്ങൾ ഉന്നയിച്ചാണ് നിരാഹാര സമരം നടത്തുന്നത്.
പ്രൈമറി ഹെഡ്മാസ്റ്റർമാരുടെ നിരാഹാര സത്യഗ്രഹം നാളെ
01:09 AM Oct 02, 2022 | Deepika.com