കോട്ടയം: ക്വാറികളുടെ ദൂരപരിധി സംബന്ധിച്ച വിദഗ്ധ സമിതിയുടെ തെളിവെടുപ്പ് 23 മുതൽ 25 വരെ നടക്കും.
ജനവാസ കേന്ദ്രങ്ങളിൽനിന്നു ക്വാറികളിലേക്കുള്ള ദൂരം സംബന്ധിച്ചു പഠനം നടത്താൻ എൻജിടി നിയോഗിച്ച സമിതി പഠനത്തിന്റെ ഭാഗമായി 23ന് ഉത്തരകേരളത്തിൽ ഉള്ളവർക്കായി കോഴിക്കോട് അളകാപുരി ഹോട്ടലിലും 24നു മധ്യകേരളത്തിലുള്ളവർക്ക് കൊച്ചിയിൽ മലിനീകരണ നിയന്ത്രണ ബോർഡ് ഓഫീസിലെ ട്രെയിനിംഗ് സെന്ററിലും ദക്ഷിണ കേരളത്തിലുള്ളവർക്കായി 25ന് തിരുവനന്തപുരത്ത് പ്രിയദർശനി സ്പേസ് പ്ലാനിറ്റോറിയം ഹാളിലും രാവിലെ 10.30 മുതൽ ഉച്ചയ്ക്കു ഒന്നു വരെ തെളിവെടുപ്പു നടത്തും.
ഇതിൽ പങ്കെടുത്ത് ഓരോരുത്തർക്കും വിവരങ്ങൾ നൽകാനാകും. വിദഗ്ധ സമിതിയുടെ റിപ്പോർട്ടിന്റെ അടിസ്ഥാനത്തിലാവും ക്വാറികളുടെ ദൂരപരിധി നിശ്ചയിക്കുക.
ക്വാറികളുടെ ദൂരപരിധി വിഷയത്തിൽ ഓണ്ലൈൻ സർവേയിൽ പങ്കെടുക്കുവാൻ ലിങ്ക് വഴി പ്രവേശിക്കാം 26നു വൈകുന്നേരം അഞ്ചു വരെ അഭിപ്രായങ്ങൾ രേഖപ്പെടുത്താം. https:// forms. gle/2 Uwzkmqm4 UMYPmv3A.
ക്വാറികളുടെ ദൂരപരിധി: തെളിവെടുപ്പ് 23 മുതൽ
12:53 AM Aug 20, 2022 | Deepika.com