പിറവം: പാമ്പാക്കുട അരീക്കൽ വെള്ളച്ചാട്ട പരിസരത്തെ ശുചിമുറിയിൽ ഒളികാമറ കണ്ടെത്തിയ സംഭവത്തിൽ ഒരാൾ അറസ്റ്റിൽ. വെള്ളച്ചാട്ടത്തിനു സമീപം തടിമില്ലിൽ ജോലി ചെയ്യുന്ന മലപ്പുറം പോരൂർ പൊറ്റയിൽ അജീഷ് രാമചന്ദ്രനെ (32) യാണ് രാമമംഗലം പോലീസ് അറസ്റ്റ് ചെയ്തത്. കഴിഞ്ഞ വെള്ളിയാഴ്ചയായിരുന്നു സംഭവം.
രണ്ട് പെൺകുട്ടികളും മാതാപിതാക്കളും ഇവിടെയെത്തിയപ്പോൾ ശുചിമുറിക്കു സമീപം ഒരു യുവാവ് ചുറ്റിത്തിരിയുന്നത് കണ്ട് ഇവർ നടത്തിയ തെരച്ചിലിലാണ് ശുചിമുറിയിലെ ചൂലിനിടയിൽ പെൻകാമറ തിരുകിവച്ചിരിക്കുന്നത് കണ്ടത്. സ്ഥലത്തുണ്ടായിരുന്ന മറ്റുള്ളവരെ വിവരമറിയിച്ചതോടെ യുവാവ് മുങ്ങി. പോലീസ് സിസിടിവി പരിശോധിച്ചാണ് യുവാവിനെ കണ്ടെത്തിയത്. പ്രതിയെ റിമാൻഡ് ചെയ്തു.
ശുചിമുറിയിൽ ഒളികാമറ: ഒരാൾ അറസ്റ്റിൽ
12:58 AM May 29, 2022 | Deepika.com