തിരുവനന്തപുരം: ഉപയോഗിച്ച എണ്ണയുടെ പുനരുപയോഗം കണ്ടെത്താന് ഭക്ഷ്യ സുരക്ഷാ വകുപ്പ് പ്രത്യേക പരിശോധന നടത്തുമെന്ന് ആരോഗ്യ മന്ത്രി വീണാ ജോര്ജ്. ഉപയോഗിച്ച എണ്ണ വീണ്ടും ചൂടാക്കി ഉപയോഗിക്കാന് പാടില്ല.
ഉപയോഗിച്ച എണ്ണ വീണ്ടും വീണ്ടും ഉപയോഗിക്കുന്നത് കാന്സര് ഉള്പ്പെടെയുള്ള മാരക രോഗങ്ങളിലേക്ക് നയിക്കും. ഹോട്ടലുകളില് ഉപയോഗിച്ച എണ്ണ സംസ്കരിച്ച് വീണ്ടും ഉപയോഗിക്കുന്നതായുള്ള പരാതി ശ്രദ്ധയില്പ്പെട്ടിട്ടുണ്ട്.
പഴകിയ എണ്ണ ഉപയോഗിക്കുന്നുണ്ടോ എന്നറിയാന് ഭക്ഷ്യ സുരക്ഷാ വകുപ്പ് പരിശോധനകള് നടത്തും. ടിപിസി മോണിറ്ററിലൂടെ ഇത് വളരെ വേഗം കണ്ടെത്താന് സാധിക്കുന്നതാണ്. വിപണിയില് വില്ക്കുന്ന എണ്ണയില് മായം കണ്ടെത്തുന്നതിനും പരിശോധനകള് ശക്തമാക്കും.
പഴകിയ എണ്ണ കണ്ടെത്താന് പ്രത്യേക പരിശോധന
01:11 AM May 28, 2022 | Deepika.com