തിരുവനന്തപുരം: സ്ത്രീകളുടെ പുരോഗതിയുടെ പാതയിലെ തടസങ്ങൾ നീക്കുന്നതിൽ കേരളം ഉജ്വല മാതൃകയാണെന്നു രാ ഷ്ട്രപതി രാംനാഥ് കോവിന്ദ്.
ആസാദി കാ അമൃത് മഹോത്സവത്തിന്റെ ഭാഗമായി നിയമസഭാ മന്ദിരത്തിൽ വനിതാ സാമാജികരുടെ ദേശീയ സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു രാഷ്ട്രപതി.
ആരോഗ്യം , വിദ്യാഭ്യാസം, തൊഴിൽ മേഖലകളിൽ സ്ത്രീകളുടെ സാധ്യതകൾ മുതലാ യവ കൂടുതൽ പ്രയോജനപ്പെടുത്താൻ കേരളത്തിനു കഴിയുന്നുണ്ട്. ആരോഗ്യ പ്രവർത്തകരുടെ കാര്യത്തിൽ കേരളത്തിന്റെ സംഭാവന വലുതാണ്. കോവിഡ് പ്രതിസന്ധി ഘട്ടത്തിൽ ഈ സംസ്ഥാനത്തെ സ്ത്രീകൾ നിസ്വാർഥമായ പരിചരണത്തിന്റെ മാതൃകയായി മാറി.
നീതിപീഠത്തിന്റെ ഉന്നതപദവിയിലെത്തിയ ആദ്യ വനിതയായ ജസ്റ്റീസ് എം. ഫാത്തിമാബീവിയെ ഇന്ത്യയ്ക്കു സമ്മാനിച്ച നാടായ കേരളം വനിതാ നിയമസഭാംഗങ്ങളുടെ ദേശീയ സമ്മേളനത്തിന് ആതിഥേയത്വം വഹിക്കുന്നുവെന്നത് അഭിമാനാർഹമാണെന്നും രാഷ്ട്രപതി പറഞ്ഞു.
സ്ത്രീശക്തീകരണം: കേരളം ഉജ്വല മാതൃക: രാഷ്ട്രപതി
01:38 AM May 27, 2022 | Deepika.com