കൊച്ചി: മോഹന്ലാലിന് ജന്മദിനാശംസകള് നേര്ന്ന് മമ്മൂട്ടി. മോഹന്ലാലിന്റെ 62-ാം പിറന്നാളിന് ആശംസ നേര്ന്ന് പ്രിയപ്പെട്ട ലാലിന് ജന്മദിനാശംസകള് എന്നാണ് മമ്മൂട്ടി സാമൂഹമാധ്യമത്തില് കുറിച്ചത്. മോഹന്ലാലിനൊപ്പമുള്ള ചിത്രം പങ്കുവച്ചായിരുന്നു ആശംസ. നിമിഷങ്ങള്ക്കകം ഇതു വൈറലായി. പൃഥ്വിരാജ്, മഞ്ജുവാര്യര്, ജയസൂര്യ തുടങ്ങിയ താരങ്ങളും നിരവധി ആരാധകരും ഇതിനു താഴെ കമന്റുകളുമായി എത്തി.
മോഹന്ലാലിന്റെ പിറന്നാളാഘോഷത്തിന്റെ വീഡിയോയും സോഷ്യല് മീഡിയയില് വൈറലായി. ഭാര്യ സുചിത്ര, സുഹൃത്തും സന്തതസഹചാരിയും നിര്മാതാവുമായ ആന്റണി പെരുമ്പാവൂര്, മറ്റു സുഹൃത്തുക്കള് എന്നിവരോടൊപ്പം കേക്കുമുറിച്ചായിരുന്നു ലാലിന്റെ ആഘോഷം.
മോഹന്ലാലിന് ജന്മദിന ആശംസകളുമായി മമ്മൂട്ടി
02:29 AM May 22, 2022 | Deepika.com