കൊച്ചി: തെരഞ്ഞെടുപ്പുനേട്ടത്തിനായി സിപിഎം വര്ഗീയ രാഷ്ട്രീയം കളിക്കുന്നുവെന്ന് ഓള് ഇന്ത്യ ഫോര്വേഡ് ബ്ലോക്ക് ദേശീയ സെക്രട്ടറി ജി. ദേവരാജന്. അധികാരം പിടിക്കാന് ഏതു ഹീനമാര്ഗവും സിപിഎം അവലംബിക്കുന്നതു ജനാധിപത്യവിരുദ്ധവും ഇടതു രാഷ്ട്രീയത്തിനു നിരക്കാത്തതുമാണ്. സ്വദേശ-വിദേശ കുത്തകള്ക്കുവേണ്ടി പ്രവര്ത്തിച്ചതിന്റെ ഫലമായി ബംഗാളില് ഇടതുഭരണം നഷ്ടപ്പെടുത്തിയ ബുദ്ധദേവ് ഭട്ടാചാര്യയായി കേരളത്തില് പിണറായി വിജയന് മാറുമെന്നും അദ്ദേഹം കൊച്ചിയില് പറഞ്ഞു.
പോലീസിനെ ഉപയോഗിച്ച് പ്രതിഷേധക്കാരെ കൈകാര്യം ചെയ്ത് സില്വര്ലൈന് നടപ്പാക്കുമെന്നു പറയുന്ന മുഖ്യമന്ത്രി ബംഗാള് അനുഭവത്തില്നിന്നു പാഠം പഠിക്കാന് തയാറാകുന്നില്ല. ദേശീയ പ്രതിപക്ഷ ഐക്യത്തിനു തുരങ്കം വയ്ക്കുന്നത് സിപിഎം കേരള ഘടകമാണ്. സങ്കുചിത താത്പര്യവും ബിജെപിയെപ്പോലെ അന്ധമായ കോണ്ഗ്രസ് വിരോധവുമാണ് ഇതിനു കാരണമെന്നും അദ്ദേഹം പറഞ്ഞു.
സിപിഎം വര്ഗീയ രാഷ്ട്രീയം കളിക്കുന്നു: ജി. ദേവരാജന്
02:27 AM May 22, 2022 | Deepika.com