കൊച്ചി: ഡഫ് വിമന്സ് ഫോറം അഞ്ചാം സംസ്ഥാന സമ്മേളനവും ബധിരവനിതാ സംഗമവും 21, 22 തിയതികളില് എറണാകുളം ടൗണ് ഹാളില് നടക്കും. വിവിധ ജില്ലകളില് നിന്നായി 500 പ്രതിനിധികള് പങ്കെടുക്കുമെന്ന് ഭാരവാഹികള് വാർത്താസമ്മേളനത്തില് അറിയിച്ചു. ഉദ്ഘാടനം 21നു 10.30നു ടി.ജെ. വിനോദ് എംഎല്എ നിർവഹിക്കും. പി.വി. ശ്രീനിജന് എംഎല്എ മുഖ്യപ്രഭാഷകനാകും. സി.എന്. മോഹനന് എക്സിബിഷന് ഉദ്ഘാടനം ചെയ്യും.
ഹരിയാനയില് നിന്നുള്ള മിഷ്ഹാ നാരംഗ്, ഹൈദരാബാദില് നിന്നുള്ള വുജ്ജിനി ജാനകി, പൂനെയില് നിന്നുള്ള വിദ്യുലത ജയാകര്, ആലപ്പുഴയില് നിന്നുള്ള മഞ്ജു എന്നിവര് വിവിധ സെഷനുകളിലായി ക്ലാസുകളെടുക്കും. സാംസ്കാരിക സമ്മേളനം ഹൈബി ഈഡന് എംപിയും സമാപന സമ്മേളനം കൊച്ചി മേയര് എം. അനില്കുമാറും ഉദ്ഘാടനം ചെയ്യും.
ഹൈക്കോടതി ജഡ്ജി ജസ്റ്റീസ് കെ. ഏബ്രഹാം മാത്യു, കെഎഫ്ഡിസി ചെയര്പേഴ്സണ് ലതിക സുഭാഷ്, ജെബി മേത്തര് എംപ തുടങ്ങിയവര് വിവിധ സമ്മേളനങ്ങളിലായി പങ്കെടുക്കുമെന്ന് ഭാരവാഹികൾ അറിയിച്ചു.
ബധിരവനിതകളുടെ സംസ്ഥാന സമ്മേളനം 21നും 22നും
02:14 AM May 20, 2022 | Deepika.com