കൊച്ചി: തൃക്കാക്കരയിലെ യുഡിഎഫ് സ്ഥാനാര്ഥി ഉമ തോമസിനെയും അവരുടെ ഭര്ത്താവ് അന്തരിച്ച പി.ടി. തോമസിനെയും അധിക്ഷേപിക്കുംവിധം സമൂഹമാധ്യമങ്ങളില് പോസ്റ്റിട്ട സര്ക്കാര് ഉദ്യോഗസ്ഥനെതിരേ പോലീസ് കേസെടുത്തു.
സിപിഎം അനുകൂല സംഘടനാ നേതാവും പ്ലാനിംഗ് ആന്ഡ് ഇക്കണോമിക് അഫയേഴ്സ് ഡെപ്യൂട്ടി സെക്രട്ടറിയുമായ വക്കം സെന്നിനെതിരെയാണ് ഇന്ഫോ പാര്ക്ക് പോലീസ് കേസ് രജിസ്റ്റര് ചെയ്തത്. ജെബി മേത്തര് എംപി നല്കിയ പരാതിയിലാണ് കേസ്.“പണ്ട് ഭര്ത്താവ് മരിച്ച സ്ത്രീ ചിതയില് ചാടി സതി അനുഷ്ഠിക്കുമെങ്കില് ഇപ്പോള് ഭര്ത്താവ് മരിച്ചാല് മത്സരിക്കാനുള്ള കൊതിയാണ്. യുഡിഎഫ് സ്ഥാനാര്ഥി തെരഞ്ഞെടുപ്പിലേക്ക് എടുത്തു ചാടുകയായിരുന്നു” എന്നായിരുന്നു വക്കം സെന്നിന്റെ പോസ്റ്റ്. ഡിജിപിക്കു ലഭിച്ച പരാതി എറണാകുളം സിറ്റി പോലീസിനു കൈമാറുകയായിരുന്നു.
ഉമ തോമസിനെ അധിക്ഷേപിക്കല്; ഗവ. ഉദ്യോഗസ്ഥനെതിരേ കേസ്
02:14 AM May 20, 2022 | Deepika.com