കാസർഗോഡ്: കൂട്ടുകാര്ക്കൊപ്പം കുളത്തിലിറങ്ങിയ രണ്ടു കുട്ടികള് മുങ്ങിമരിച്ചു. പെരിയ ചെര്ക്കപ്പാറയിലെ രവീന്ദ്രനാഥ്-ഷീബ ദന്പതികളുടെ മകന് നന്ദഗോപന് (15), മഞ്ഞങ്ങാട്ടെ ദിനേശന്-രേഷ്മ ദമ്പതികളുടെ ഏകമകന് ദില്ജിത്ത് (14) എന്നിവരാണു മരിച്ചത്.
ഇന്നലെ വൈകുന്നേരം അഞ്ചോടെ ചെര്ക്കപ്പാറ സര്ഗം ആര്ട്സ് ആന്ഡ് സ്പോര്ട്സ് ക്ലബ്ബിനു സമീപത്തെ കുളത്തിലായിരുന്നു സംഭവം. ഇരുവരും വെള്ളത്തില് മുങ്ങിപ്പോയ വിവരം കൂടെയുള്ള കുട്ടികളാണു പരിസരവാസികളെ അറിയിച്ചത്. നാട്ടുകാര് നടത്തിയ തെരച്ചിലില് ദില്ജിത്തിനെ കണ്ടെത്തി ജില്ലാ ആശുപത്രിയിലെത്തിച്ചു. തുടര്ന്ന് സ്ഥലത്തെത്തിയ അഗ്നിരക്ഷാസേനയും നാട്ടുകാരും ചേര്ന്നു നടത്തിയ തെരച്ചിലിലാണു നന്ദഗോപനെ കണ്ടെടുത്തത്.
എന്നാല്, രണ്ടുപേരുടെയും ജീവന് രക്ഷിക്കാനായില്ല. രണ്ടു കുട്ടികള്ക്കും നീന്തലറിയില്ലായിരുന്നുവെന്നു ബന്ധുക്കള് പറഞ്ഞു.
നന്ദഗോപന് കാഞ്ഞങ്ങാട് ക്രൈസ്റ്റ് സിഎംഐ പബ്ലിക് സ്കൂളില് പത്താംക്ലാസിലും ദില്ജിത്ത് പെരിയ ജിഎച്ച്എസ്എസില് ഒമ്പതാം ക്ലാസിലും പഠിക്കുകയാണ്. നന്ദഗോപന്റെ അച്ഛന് രവീന്ദ്രനാഥ് ദുബായ് വിമാനത്താവളത്തില് ജോലി ചെയ്യുകയാണ്. സഹോദരി: നന്ദന. വിദേശത്ത് ജോലി ചെയ്യുകയായിരുന്ന ദില്ജിത്തിന്റെ അച്ഛന് ദിനേശന് അടുത്തിടെയാണ് നാട്ടിലെത്തിയത്.
കൂട്ടുകാര്ക്കൊപ്പം കുളത്തിലിറങ്ങിയ രണ്ടു കുട്ടികള് മുങ്ങിമരിച്ചു
02:08 AM May 19, 2022 | Deepika.com