തിരുവനന്തപുരം: സംസ്ഥാനത്ത് ജനസംഖ്യാധിഷ്ഠിത ജീവിതശൈലീ രോഗനിര്ണയത്തിന് ‘ശൈലി ആപ് ’ എന്ന ഒരു മൊബൈല് ആന്ഡ്രോയിഡ് ആപ്ലിക്കേഷന് സജ്ജമാക്കിയതായി ആരോഗ്യമന്ത്രി വീണാ ജോര്ജ്.
ആരോഗ്യവകുപ്പ് നവകേരള കര്മപദ്ധതിയുടെ ഭാഗമായി ആരംഭിക്കുന്ന പദ്ധതിയായ പോപ്പുലേഷന് ബേസ്ഡ് സ്ക്രീനിംഗ് അഥവാ വാര്ഷിക ആരോഗ്യ പരിശോധനയുടെ ഭാഗമായാണ് ശൈലി ആപ് സജ്ജമാക്കിയിരിക്കുന്നത്. ഈ പദ്ധതിയിലൂടെ മുപ്പത് വയസിനു മുകളിലുള്ള എല്ലാ വ്യക്തികളുടെയും ജീവിതശൈലീ രോഗങ്ങളെ സംബന്ധിച്ചും അതിലേക്ക് നയിക്കുന്ന ഹേതുക്കളെക്കുറിച്ചുമുള്ള (Risk Factors) വിവരശേഖരണം നടത്തുന്നതിന് ആശ പ്രവര്ത്തകരെ ചുമതലപ്പെടുത്തിയിട്ടുണ്ട്. ഈ വിവരങ്ങള് വേഗത്തില് ശേഖരിച്ച് ക്രോഡീകരിക്കാനാണ് ഇ ഹെല്ത്ത് വഴി ശൈലി ആപ് സജ്ജമാക്കിയിരിക്കുന്നതെന്നും മന്ത്രി വ്യക്തമാക്കി.
പ്രമേഹം, രക്താതിമര്ദം, ഹൃദ്രോഗങ്ങള്, ശ്വാസകോശ രോഗങ്ങള്, മറ്റ് ജീവിതശൈലീ രോഗങ്ങള്, കാന്സറുകള് എന്നിവയെക്കുറിച്ചുള്ള വിവിരണ ശേഖരണമാണ് പ്രാഥമികമായി ഈ ആപ് വഴി നടത്തുന്നത്.ഓരോ ആശപ്രവര്ത്തകയും അവരുടെ നിയന്ത്രണത്തിലുള്ള എല്ലാ വീടുകളും സന്ദര്ശിച്ച് ഡാറ്റ എന്ട്രി നടത്തും. ഇതിനായി ആശാപ്രവര്ത്തകര്ക്ക് ഒരു ഇന്സന്റീവ് ആരോഗ്യവകുപ്പ് നല്കും.
രോഗനിര്ണയത്തിനും നിയന്ത്രണത്തിനും ആദ്യമായി ആപ്
01:45 AM May 06, 2022 | Deepika.com