തിരുവനന്തപുരം: രാജ്യസഭാ ഉപതെരഞ്ഞെടുപ്പിൽ കേരള കോണ്ഗ്രസ് -എമ്മിലെ ജോസ് കെ. മാണിക്കു വിജയം. 137 നിയമസഭാംഗങ്ങൾ വോട്ട് ചെയ്തതിൽ 96 വോട്ടുകൾ ജോസ് കെ. മാണിക്ക് ലഭിച്ചപ്പോൾ എതിർസ്ഥാനാർഥി കോണ്ഗ്രസിലെ ശൂരനാട് രാജശേഖരൻ 40 വോട്ടുകൾ നേടി. ഒരു വോട്ട് അസാധുവായി.
സിപിഎമ്മിലെ ടി.പി. രാമകൃഷ്ണൻ, പി. മമ്മിക്കുട്ടി എന്നിവരും കോണ്ഗ്രസിലെ പി.ടി. തോമസും അനാരോഗ്യം മൂലം വോട്ട് ചെയ്യാനെത്തിയില്ല. ഇന്നലെ രാവിലെ ഒൻപതിന് നിയമസഭയിലായിരുന്നു വോട്ടെടുപ്പ്. ഇടതുമുന്നണിയിലെ ഒരംഗത്തിന്റെ വോട്ടാണ് അസാധുവായത്.
ജോസ് കെ. മാണി രാജ്യസഭയിലേക്ക്
01:53 AM Nov 30, 2021 | Deepika.com