തിരുവനന്തപുരം : തദ്ദേശ സ്വയംഭരണ സ്ഥാപനങ്ങളിലെ റോഡുകളുടെ സുരക്ഷയും ഗുണമേന്‍മയും ഉറപ്പുവരുത്തുന്നതിനായി റോഡ് ആസ്തികളുടെ വിശദാംശങ്ങള്‍ ശേഖരിക്കുന്നതിന്‍റെ ഭാഗമായി റോഡ് കണക്ടിവിറ്റി മാപ്പിംഗ് തയാറാക്കുമെന്ന് തദ്ദേശ മന്ത്രി എം.വി. ഗോവിന്ദന്‍ പറഞ്ഞു.
കേരള സ്റ്റേറ്റ് റിമോട്ട് സെന്‍സിംഗ് ആൻഡ് എണ്‍വയോണ്‍മെന്‍റ് സെന്‍റര്‍ ( കെ എസ് ആര്‍ ഇ സി ) തയാറാക്കിയിട്ടുള്ള ഓണ്‍ലൈന്‍ പ്ലാറ്റ്ഫോമിന്റേയും ആര്‍ ട്രാക്ക് മൊബൈല്‍ ആപ്ലിക്കേഷന്‍റേയും സേവനം പ്രയോജനപ്പെടുത്തിയാണ് പദ്ധതി നടപ്പാക്കുന്നതെന്ന് മന്ത്രി വിശദീകരിച്ചു.
ഇതിനായി ഒരു വാര്‍ഡിന് 3000 രൂപ ചെലവാക്കാനുള്ള അനുമതി നല്‍കി . തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍, പാലക്കാട് ജില്ലകളിലെ പഞ്ചായത്തുകളിലാണ് കണക്ടിവിറ്റി മാപ്പിംഗ് നടപ്പിലാക്കുന്നതെന്ന് മന്ത്രി വ്യക്തമാക്കി.
റോഡ് കണക്ടിവിറ്റി മാപ്പിംഗ് തയാറാക്കും: മന്ത്രി എം.വി. ഗോവിന്ദന്‍
12:34 AM Nov 30, 2021 | Deepika.com