തിരുവനന്തപുരം: കോവിഡ് വ്യാപനത്തെത്തുടർന്നു സംസ്ഥാനത്ത് അടച്ചിട്ട തിയറ്ററുകൾ തിങ്കളാഴ്ച തുറക്കും. 50% ആളുകളെ പ്രവേശിപ്പിക്കാനാണ് അനുമതി. സെക്കന്ഡ് ഷോകളും അനുവദിക്കും. എന്നാൽ രണ്ടു ഡോസ് വാക്സിൻ എടുത്തവർക്കു മാത്രമേ പ്രവേശനമുള്ളൂ.
തിയറ്റർ ഉടമകളുടെ പ്രതിനിധികൾ സാംസ്കാരിക മന്ത്രി സജി ചെറിയാനുമായി നടത്തിയ ചർച്ചയിലാണ് തീരുമാനം. തിയറ്ററുകളിൽചർച്ചയിൽ സംഘടന മുന്നോട്ടുവച്ച ആവശ്യങ്ങൾ മുഖ്യമന്ത്രിയുമായി ചർച്ച നടത്താമെന്ന് മന്ത്രി ഉറപ്പു നൽകിയതായി തിയറ്റർ ഉടമകളുടെ സംഘടനാ നേതാക്കൾ വ്യക്തമാക്കി.
പ്രവർത്തിക്കാത്ത മാസങ്ങളിലെ കെഎസ്ഇബി ഫിക്സ്ഡ് ഡെപ്പോസിറ്റിലെ ഇളവ്, കെട്ടിടനികുതിയിൽ ഇളവ്, വിനോദനികുതിയിൽ ഇളവ് തുടങ്ങിയ ആവശ്യങ്ങളാണ് തിയറ്റർ ഉടമകളുടെ സംഘടന മുന്നോട്ടുവച്ചിരിക്കുന്നത്.
തിയറ്ററുകൾ തിങ്കളാഴ്ച തുറക്കും
01:14 AM Oct 23, 2021 | Deepika.com