കൊച്ചി: തുടര്‍ വിദ്യാഭ്യാസം വാഗ്ദാനം ചെയ്ത് പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചെന്ന കേസില്‍ മോണ്‍സനെതിരെ പോക്‌സോ നിയമപ്രകാരം കോടതിയില്‍ എഫ്ഐആര് സമര്‍പ്പിച്ചു. എറണാകുളം നോര്‍ത്ത് പോലീസ് ആണ് സ്ത്രീകള്‍ക്കും കുട്ടികള്‍ക്കുമെതിരേയുള്ള അതിക്രമങ്ങള്‍ പരിഗണിക്കുന്ന പ്രത്യേക കോടതിയില്‍ എഫ്ഐആര് സമര്‍പ്പിച്ചത്.
2013 ല്‍ 17 കാരിയായ പെണ്‍കുട്ടിയെ കലൂരിലെ വീട്ടിലും, കൊച്ചിയിലെ മറ്റൊരു വീട്ടിലും വിളിച്ചുവരുത്തി പീഡിപ്പിച്ചുവെന്നാണ് കേസ്. പോക്‌സോ നിയമത്തിലെ വിവിധ വകുപ്പുകള്‍ പ്രകാരമാണ് റിപ്പോര്‍ട്ട് സമര്‍പ്പിച്ചത്. മറ്റു സാമ്പത്തിക തട്ടിപ്പു കേസുകളില്‍ ഇന്നലെ മോന്‍സണെ ജയിലില്‍നിന്നു വീഡിയോ കോണ്‍ഫറന്‍സിംഗില്‍ എറണാകുളം എസിജെഎം കോടതിയില്‍ ഹാജരാക്കിയിരുന്നു. കോടതി ഇയാളെ നവംബര്‍ മൂന്നു വരെ റിമാന്‍ഡ് ചെയ്തു.
മോന്‍സനെതിരേ പോക്‌സോ നിയമപ്രകാരം എഫ്ഐആര് സമര്‍പ്പിച്ചു
01:39 AM Oct 21, 2021 | Deepika.com